May 2, 2024
ମୁଖ୍ୟ ଖବର
ଟାଙ୍ଗୀ : ଚାଲିଥିଲା ଶ୍ରୀରାମ ଜୟନ୍ତୀ ଶୋଭାଯାତ୍ରା । ଶୋଭାଯାତ୍ରାରେ ସାମିଲ ହେବା ପାଇଁ ନିଜ ଆଡ଼ୁ ଆସିଲେ । କିନ୍ତୁ ଲୋକେ କଲେ ବିରୋଧ । ଶେଷରେ କିଛି ବାଟ ନପାଇ ନିଜେ ଶୋଭାଯାତ୍ରାରୁ ପଳାଇଲେ । ବିଜେପି ନେତା ପ୍ରଶାନ୍ତ ଜଗଦ୍ଦେବଙ୍କ କ୍ଷେତ୍ରରେ ବୁଧବାର ଏଭଳି କିଛି ଘଟଣା ଘଟିଛି ।
ଘଟଣା କ୍ରମ ଏମିତି ଥିଲା ଯେ, ଟାଙ୍ଗୀ ଚାନ୍ଦପୁର କନ୍ଧ ନୟାଗଡ଼ ସଂସ୍କୃତି ସୁରକ୍ଷା ମଞ୍ଚ ପକ୍ଷରୁ ଶୋଭାଯାତ୍ରା ଆୟୋଜନ କରାଯାଇଥିଲା । ଶୋଭାଯାତ୍ରାରେ ଖୋର୍ଦ୍ଧା ନୟାଗଡ଼ର ଯୁବକ ମାନେ ସାମିଲ ହୋଇ ଆସୁଥିଲେ । ଏହି ସମୟରେ ଖବର ପାଇ ଶୋଭାଯାତ୍ରାରେ ସାମିଲ ହେବା ପାଈଁ ଦଉଡି ଆସିଥିଲେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ । ପ୍ରଶାନ୍ତ ଜଗଦ୍ଦେବ ଜୋର ଜବର ଦସ୍ତ ଶୋଭାଯାତ୍ରାରେ ସାମିଲ ହେବାରୁ ପରିସ୍ଥିତି ଉତେଜନା ଦେଖା ଦେଇଥିଲା । ଶୋଭାଯାତ୍ରା କାରୀ ମାନେ ଏହାକୁ ବାରଣ କରିବାରୁ ଉଭୟଙ୍କ ମଧ୍ୟରେ ପ୍ରବଳ ପାଟି ତୁଣ୍ଡ ହୋଇଥିଲା ପରିସ୍ତିତି ଏମିତି ହୋଇଥିଲା ଯେ ପୋଲିସ ତୁରନ୍ତ ହସ୍ତକ୍ଷେପ କରିବା ସହ ପ୍ରଶାନ୍ତ ଜଗଦ୍ଦେବ ଘଟଣା ସ୍ଥଳରୁ ପଳାଇଥିଲେ ।
ଏଠାରେ ଉଲ୍ଲେଖ ଯୋଗ୍ୟ ଯେ ବିଜେପିରେ ଯୋଗଦେବା ପରଠାରୁ ପ୍ରଶାନ୍ତଙ୍କୁ ଚାରିଆଡେ଼ ବିରୋଧୀ ସମ୍ମୁଖୀନ ହେବାକୁ ପଡ଼ୁଛି । ଗତକିଛି ଦିନ ତଳେ ଅପରାଜିତା ଷଡ଼ଙ୍ଗୀଙ୍କ ସହ ଶୋଭାଯାତ୍ରାବେଳେ ଲୋକେ ତାଙ୍କୁ ବିରୋଧ କରିଥିଲେ । ଶେଷରେ ସେ ଜଣେ ସାମ୍ବାଦିକଙ୍କୁ ବି ଆକ୍ରମଣ କରିବାକୁ ପଛାଇନଥିଲେ । ଯାହାକୁ ନେଇ ବିଜେଡି ସିଇଓଙ୍କ ନିକଟରେ ଫେରାର ହୋଇଥିଲା ।
Comments ସମସ୍ତ ମତାମତ