Jun 4, 2023
ମୁଖ୍ୟ ଖବର
ନୂଆଦିଲ୍ଲୀ : ଆଇସିସି ମହିଳା ବିଶ୍ୱକପରେ ଇଂଲଣ୍ଡ ଓ ଅଷ୍ଟ୍ରେଲିଆର ଆଧିପତ୍ୟ ସବୁବେଳେ ଦେଖିବାକୁ ମିଳିଛି । ଏଯାବତ ମହିଳା ବିଶ୍ୱକପରେ ଇଂଲଣ୍ଡ ଓ ଅଷ୍ଟ୍ରେଲିଆ ହିଁ ଅଧିକାଂଶ ବିଶ୍କକପ ବାଣ୍ଟି ନେବାରେ ସମର୍ଥ ହୋଇଛନ୍ତି ।
୧୯୭୩ରେ ପ୍ରଥମ ଥର ପାଇଁ ଆଇସିସି ମହିଳା ବିଶ୍ୱକପ ଆରମ୍ଭ ହୋଇଥିଲା । ପ୍ରଥମ ବିଶ୍ୱକପ ଇଂଲଣ୍ଡ ହାତେଇବାରେ ସମର୍ଥ ହୋଇଥିଲା । ୧୯୭୮ରେ ଭାରତରେ ଅନୁଷ୍ଠିତ ଏହି ବିଶ୍ୱକପରେ ଅଷ୍ଟ୍ରେଲିଆ ଚମ୍ପିଆନ ହୋଇଥିଲା । ୧୯୮୨ ଓ ୧୯୮୮ରେ ଅଷ୍ଟ୍ରେଲିଆ ପୁଣିଥରେ ବିଶ୍ୱକପ ହାସଲ କରି ହାଟ୍ରିକ ଅର୍ଜନ କରିଥିଲା ।
୧୯୯୩ରେ ଇଂଲଣ୍ଡରେ ଆୟୋଜିତ ବିଶ୍ୱକପରେ ପୁଣି ଇଂଲଣ୍ଡ ହାତକୁ ବିଶ୍ୱକପ ଫେରିଥିଲା । ୧୯୯୭ରେ ପୁଣି ଥରେ ଭାରତରେ ବିଶ୍ୱକପ ଆୟୋଜିତ ହୋଇଥିବାବେଳେ ଚମ୍ପିଆନ ହୋଇଥିଲା ଅଷ୍ଟ୍ରେଲିଆ । ତେବେ ୨୦୦୦ରେ ପ୍ରଥମ ଥର ପାଇଁ ଇଂଲଣ୍ଡ ଓ ଅଷ୍ଟ୍ରେଲିଆ ବଦଳରେ ନ୍ୟୁଜିଲାଣ୍ଡ ବିଶ୍ୱକପ ହାସଲ କରିପାରିଥିଲା ।
୨୦୦୫ରେ ପୁଣି ଅଷ୍ଟ୍ରେଲିଆ ହାତକୁ ବିଶ୍ୱକପ ଯାଇଥିବାବେଳେ ୨୦୦୯ରେ ଚମ୍ପିଆନ ହୋଇଥିଲା ଇଂଲଣ୍ଡ । ୨୦୧୩ରେ ଅଷ୍ଟ୍ରେଲିଆ ବିଶ୍ୱକପ ହାତେଇଥିବାବେଳେ ୨୦୧୭ରେ ଭାରତକୁ ହରାଇ ଇଂଲଣ୍ଡ ବାଜିମାତ କରିଥିଲା । ଚଳିତ ବିଶ୍ୱକପରେ ମଧ୍ୟ ଅଷ୍ଟ୍ରେଲିଆର ଆଧିପତ୍ୟ କାଏମ ଥିବାବେଳେ ଭାରତ ବିଶ୍ୱକପ ଆଣୁ ବୋଲି ସବୁ ଭାରତୀୟ ଚାହିଁ ରହିଛନ୍ତି ।
Comments ସମସ୍ତ ମତାମତ