Jun 4, 2023
ମୁଖ୍ୟ ଖବର
ନୂଆଦିଲ୍ଲୀ : ଆଇସିସି ମହିଳା ବିଶ୍ୱକପରେ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ପରେ ସେମିଫାଇନାଲକୁ ଯାଇଛି ଇଂଲଣ୍ଡ । ବାଂଲାଦେଶକୁ ଶୋଚନୀୟ ଭାବେ ପରାସ୍ତ କରି ଇଂଲଣ୍ଡ ସେମିଫାଇନାଲ ଯାଇଛି । ଦଳ ମୋଟ ୮ ପଏଂଟ ପାଇ ସେମିଫାଇନାଲରେ ପ୍ରବେଶ କରିଛି ।
ଇଂଲଣ୍ଡ ପ୍ରଥମେ ବ୍ୟାଟିଂ କରି ୨୩୪ ରନ କରିଥିବାବେଳେ ବାଂଲାଦେଶ ମାତ୍ର ୧୩୪ ରନରେ ଅଲଆଉଟ ହୋଇଯାଇଛି । ଇଂଲଣ୍ଡ ପକ୍ଷରୁ ସୋଫିଆ ୬୭ ରନ, ସ୍କିଭର ୪୦ ରନ ଓ ତାମସିନ ୩୩ ରନ କରିବାରେ ସଫଳ ହୋଇଛନ୍ତି । ଅପରପକ୍ଷରେ ବାଂଲାଦେଶର ଲତା ମଣ୍ଡଳ ୩୦ ରନ, ଶରମିନ ୨୩ ରନ ଓ ସାମିମା ୨୩ ରନ କରିବାରେ ସମର୍ଥ ହୋଇଥିଲେ । ଇଂଲଣ୍ଡର ଏକଲେଷ୍ଟୋନ ୩ଟି ୱିକେଟ ନେଇଥିବାବେଳେ ଚାର୍ଲି ଡିନ ୩ ଓ ଫ୍ରେୟା ଡେଭିସ ୨ଟି ୱିକେଟ ନେଇ ବାଂଲାଦେଶର ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ ।
ଅପରପକ୍ଷରେ ଆଇସିସି ମହିଳା ବିଶ୍ୱକପର ଆଜି ହେଉଛି ଭାରତ ପାଇଁ ଗୁରୁତ୍ୱପୂର୍ଣ୍ଣ ମ୍ୟାଚ । ସେମିଫାଇନାଲ ଯିବା ପାଇଁ ଏହି ମ୍ୟାଚ ଜିତିବା ଭାରତ ପାଇଁ ଅପରିହାର୍ଯ୍ୟ ହୋଇପଡ଼ିଛି । ଏହି ଆହ୍ୱାନକୁ ଗ୍ରହଣ କରି ଭାରତୀୟ ମହିଳା ଦଳ ଆଜି ଦମଦାର ବ୍ୟାଟିଂ କରିଛି । ଦକ୍ଷିଣ ଆଫ୍ରିକା ବିରୋଧରେ ଦଳ ୨୭୪ ରନର ଭଲ ସ୍କୋର କରିଥିବାବେଳେ ବିଜୟ ଆଶା ଉଜ୍ଜ୍ୱଳ ହୋଇଛି ।
Comments ସମସ୍ତ ମତାମତ