Apr 26, 2024
ମୁଖ୍ୟ ଖବର
ଭୁବନେଶ୍ବର: ଜୁନିଅର ହକି ବିଶ୍ବକପ ଦ୍ବିତୀୟ ଦିନରେ ଆର୍ଜେଣ୍ଟିନା ଓ ଇଜିପ୍ଟ ମଧ୍ୟରେ ହୋଇଥିଲା ମୁକାବିଲା । ଇଜିପ୍ଟ ବିପକ୍ଷରେ ଦମଦାର ବିଜୟ ହାସଲ କରିଛି ଆର୍ଜେଣ୍ଟିନା । ଦ୍ବିତୀୟ ଦିନର ପ୍ରଥମ ମ୍ୟାଚରେ ୧୪-୦ ଗୋଲରେ ବିଶାଳ ବିଜୟ ହାସଲ କରିଛି ଆର୍ଜେଣ୍ଟିନା ।
ମ୍ୟାଚ ଆରମ୍ଭରୁ ଆଟାକିଂ ମୁଡରେ ଆସିଥିଲା ଆର୍ଜେଣ୍ଟିନା । ସବୁ କ୍ବାର୍ଟରରେ ଇଡିପ୍ଟ ଖେଳାଳିଙ୍କ ଉପରେ ଭାରି ପଡିଥିଲେ ଆର୍ଜେଣ୍ଟିନା ଖେଳାଳି । ଆର୍ଜେଣ୍ଟିନା ଖେଳାଳିଙ୍କ ହକି ଷ୍ଟିକରୁ ଗୋଲ ପରେ ଗୋଲ ବର୍ଷା ହୋଇଥିଲା । ପ୍ରଥମ କ୍ବାର୍ଟର ରାଉଣ୍ଡ ଶେଷ ସୁଦ୍ଧା ଆର୍ଜେଣ୍ଟିନା ୩-୦ ଗୋଲରେ ଆଗୁଆ ଥିଲା । ଏହାପରେ ତୃତୀୟ କ୍ବାର୍ଟର ରାଉଣ୍ଡ ଶେଷ ସୁଦ୍ଧା ୭-୦ ଗୋଲରେ ଆଗୁଆ ଥିଲେ ଆର୍ଜେଣ୍ଟିନା । ଶେଷ କ୍ବାର୍ଟରରେ ଆର୍ଜେଣ୍ଟିନାକୁ ୨ଟି ପେନଲ୍ଟି ସୁଟ ମିଳିଥିଲା। ଯାହାକୁ ଗୋଲରେ ପରିଣତ କରିଥିଲେ ଆର୍ଜେଣ୍ଟିନା ଖେଳାଳି। ମ୍ୟାଚ ଶେଷରେ ୧୪-୦ ଗୋଲରେ ଇଜିପ୍ଟକୁ ହରାଇଛି ଆର୍ଜେଣ୍ଟିନା ।ଇଜିପ୍ଟ ପକ୍ଷରୁ ବେଶ ଶୋଚନୀୟ ପ୍ରଦର୍ଶନ ଦେଖିବାକୁ ମିଳିଥିଲା । ସର୍ବାଧିକ ଗୋଲ କରିବାରେ ରେକର୍ଡ ହାସଲ କରିଛି ଆର୍ଜେଣ୍ଟିନା ।
Comments ସମସ୍ତ ମତାମତ