Tags : CHESS OLYMPIAD

ଚେନ୍ନାଇ : ବିଶ୍ୱର ସବୁଠୁ ବଡ ଚେସ ଇଭେଣ୍ଟ ୪୪ ତମ ଆନ୍ତର୍ଜାତୀୟ ଚେସ ଅଲିମ୍ପିଆଡ ଆରମ୍ଭ ହେବାକୁ ଯାଉଛି । ଚେନ୍ନାଇଠାରୁ ପ୍ରାୟ ୫୦ କିଲୋମିଟର ଦୂରରେ ଅବସ୍ଥିତ ୟୁନେସ୍କର ଐତିହ୍ୟ ସ୍ଥଳ ମମଲାଲାପୁରମର ପୁଞ୍ଜରୀ ଗ୍ରାମରେ ଜୁଲାଇ ୨୮ ରୁ ଅଗଷ୍ଟ ୧୦ ମଧ୍ୟରେ ଅନୁଷ୍ଠିତ ହେବ । ଏଥିପାଇଁ ଜୋରଦାର ପ୍ରସ୍ତୁତି ଚାଲିଛି । 
ଅଲିମ୍ପିଆଡ଼ ପାଇଁ ମାଗଣା ବସ୍ ଚଲାଇବା ପାଇଁ ତାମିଲନାଡୁ ପର୍ଯ୍ୟଟନ ବିଭାଗ ପକ୍ଷରୁ ସୂଚନା ମିଳିଛି । ସୋମବାର ଠାରୁ ତାମିଲନାଡୁ ପର୍ଯ୍ୟଟନ ବିଭାଗ ମମଲାଲାପୁରମ୍ ଏବଂ ପର୍ଯ୍ୟଟକଙ୍କ ପାଇଁ ମାଗଣାରେ ପାଂଚଟି ହପ୍-ଅନ୍ ବସ୍ ଚଲାଇବାକୁ ଯୋଜନା କରିଛି ।

ତାମିଲନାଡୁ ପର୍ଯ୍ୟଟନ ବିକାଶ ନିଗମ (ଟିଟିଡିସି) ର ପରିଚାଳନା ନିଦେ୍ର୍ଧଶକ ସନ୍ଦୀପ ନନ୍ଦୁରୀ ଇଣ୍ଡିଆନକ୍ସପ୍ରେସ ଡଟ୍ କମ୍ ସହ କଥାବାର୍ତ୍ତା କରି କହିଛନ୍ତି ଯେ ଏହି ବସ୍ ମଧ୍ୟପ୍ରଦେଶ କୈଳାଶରୁ ସେବା ଆରମ୍ଭ କରିବ ଏବଂ ଆଇଟି କରିଡର ରାଜୀବ ଗାନ୍ଧୀ ସାଲାଇ ଦେଇ ଶୋଲିଙ୍ଗାନାଲୁର ଜଙ୍କସନ ପର୍ଯ୍ୟନ୍ତ ଯାଇ ପୂର୍ବ ତଟ ରୋଡ୍ ମାର୍ଗକୁ ଯିବ ।

ସେ କହିଛନ୍ତି ଯେ, “ହପ୍-ଅନ୍ ହପ୍ ଅଫ୍ ବସ୍ ସେବା ୧୦ ବର୍ଷ ପୂର୍ବେ କାର୍ଯ୍ୟରତ ଥିଲା । ବର୍ତ୍ତମାନ ଆମେ ଏହି ଅଲିମ୍ପିଆଡ୍ ସହିତ ସେମାନଙ୍କୁ ପୁଣି ଆରମ୍ଭ କରୁଛୁ । ଆମେ ୧୯ ଟି ଷ୍ଟପେଜ ଚିହ୍ନଟ କରିଛୁ, ପ୍ରତି ଘଣ୍ଟାରେ ପରିଦର୍ଶକଙ୍କୁ ନେବା ପାଇଁ ମୋଟ ପାଞ୍ଚଟି ବସ୍ ବ୍ୟବହାର କରାଯିବ ଏବଂ ଏହା ବିନା ମୂଲ୍ୟରେ ହେବ ବୋଲି ସେ କହିଛନ୍ତି । ଆହୁରି ମଧ୍ୟ, ତାମିଲନାଡୁ ପର୍ଯ୍ୟଟନ ବିଭାଗ ଉପକୂଳବର୍ତ୍ତୀ ସହରରେ ଥିବା ଅଟୋ-ରିକ୍ସାକୁ ‘ପର୍ଯ୍ୟଟକ-ଅନୁକୂଳ ଅଟୋ’ ଭାବରେ ପୁନବ୍ରାଣ୍ଡ କରିବାକୁ ଯୋଜନା କରାଯାଇଛି । ପାଖାପାଖି ୨୫ ଟି ଅଟୋ-ରିକ୍ସା ଚିହ୍ନଟ କରାଯାଇଛି ଏବଂ ସେଗୁଡିକ ନୂତନ ଡିଜାଇନ୍ରେ ସଜାଯିବାକୁ ସ୍ଥିର ହୋଇଛି ବୋଲି ସୂଚନା ମିଳିଛି ।