Tags : CBSE EXAM

ନୂଆଦିଲ୍ଲୀ: ସିବିଏସଇ ବୋର୍ଡ ଟର୍ମ-୨ ପରୀକ୍ଷା ୨୬ ଏପ୍ରିଲ ୨୦୨୨ ରୁ ଆରମ୍ଭ ହେଉଛି ।  ସିବିଏସ୍ଇ ବୋର୍ଡ ଦଶମ ଛାତ୍ରଛାତ୍ରୀଙ୍କ ପରୀକ୍ଷା ପାଇଁ ୨୦ ଦିନରୁ କମ୍ ସମୟ ବାକି ଅଛି ।  ଏହି ବର୍ଷ, ନୂତନ ଶିକ୍ଷା ନୀତି ୨୦୨୦ ଅନୁଯାୟୀ, ସିବିଏସଇ ବୋର୍ଡ ୨ଟି ଟର୍ମରେ ଅନୁଷ୍ଠିତ ହେଉଛି । 
ସେଣ୍ଟା୍ରଲ ବୋର୍ଡ ଅଫ ସେକେଣ୍ଡାରୀ ପରୀକ୍ଷା (ସିବିଏସଇ), ଅଫିସିଆଲ ୱେବସାଇଟରେ ପରୀକ୍ଷା ପାଇଁ ତାରିଖ ସିଟ୍ ପ୍ରକାଶ କରିଛି । ଏଥର ପରୀକ୍ଷା ସକାଳ ୧୦ଟା ୩୦ ସମୟରେ ହେବ ଓ ଦୁଇଟି ସିଫ୍ଟରେ କରାଯିବ ନାହିଁ ।
ମହାମାରୀ ହେତୁ ବିଦ୍ୟାଳୟଗୁଡିକ ବନ୍ଦ ଥିବାରୁ ସିବିଏସଇ ଉଭୟ ଶ୍ରେଣୀର ପ୍ରାୟ ସମସ୍ତ ବିଷୟ,  ଦୁଇଟି ପରୀକ୍ଷା ମଧ୍ୟରେ ଅଧିକ ବ୍ୟବଧାନ ଦେଇଛି । ସିବିଏସଇର କଣ୍ଟ୍ରୋଲର ଡ. ସାନିଆମ୍ ଭରଦ୍ୱାଜ କହିଛନ୍ତି ଯେ, ଯେଉଁଠାରେ ଫାଙ୍କା ଟିକିଏ କମ୍ ଥାଏ, ପରବର୍ତ୍ତୀ ସମୟରେ ଏହିପରି ପରୀକ୍ଷା ରଖାଯାଇଥାଏ, ଯାହାଦ୍ୱାରା ଛାତ୍ରଛାତ୍ରୀମାନେ ପରୀକ୍ଷା ପ୍ରସ୍ତୁତି ପାଇଁ ପର୍ଯ୍ୟାପ୍ତ ସମୟ ପାଇବେ । 
ବୋର୍ଡ ଏହା ମଧ୍ୟ କହିଛି ଯେ, ପ୍ରାୟ ୩୫ହଜାର ବିଷୟ ମିଶ୍ରଣକୁ ଏଡାଇ ଏହି ତାରିଖ ସିଟ୍ ପ୍ରସ୍ତୁତ କରାଯାଇଛି, ଯାହାଦ୍ୱାରା କୌଣସି ଛାତ୍ରର ଦୁଇଟି ବିଷୟ ପରୀକ୍ଷା ଗୋଟିଏ ଦିନରେ ପଡିବ ନାହିଁ ।