Apr 2, 2026
ମୁଖ୍ୟ ଖବର
ନୂଆଦିଲ୍ଲୀ : କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟର ଅପରାଧ ଶାଖା ପକ୍ଷରୁ ୮୩,୮୬୭ ହ୍ବାଟସ୍ଆପ ଆକାଉଣ୍ଟ ଏବଂ ୩୯୬୨ ସ୍କାଇପ୍ ଆଇଡିକୁ ବ୍ଲକ୍ କରାଯାଇଛି। ଡିଜିଟାଲ ଆରେଷ୍ଟ ଜରିଆରେ ସାଇବର ଅପରାଧୀମାନେ ଦୈନନ୍ଦିନ ସଂଖ୍ୟାଧିକ ଲୋକଙ୍କୁ କୋଟି କୋଟି ଟଙ୍କା ଲୁଟୁଥିବାରୁ ମନ୍ତ୍ରଣାଳୟ ପକ୍ଷରୁ ଏହାକୁ ଗୁରୁତ୍ବର ସହ ଗ୍ରହଣ କରାଯାଇଛି। ଏହି ଅଭିଯାନରେ ଟେଲିକମ୍ୟୁନିିକେସନ ମନ୍ତ୍ରଣାଳୟ, ପୁଲିସ ଏବଂ ଟେଲିକମ ସେବା ପ୍ରଦାନକାରୀ କମ୍ପାନୀଙ୍କୁ ମଧ୍ୟ ସାମିଲ କରାଯାଇଛି। ଇତିମଧ୍ୟରେ ୮.୪୫ ଲକ୍ଷ ସିମ୍କାର୍ଡ ବ୍ଲକ୍ କରାଯାଇଥିବାବେଳେ ୨.୩୯ ଲକ୍ଷ ମୋବାଇଲ ଆଇଏମଇଆଇ ନମ୍ବରକୁ ଚିହ୍ନଟ କରାଯାଇଛି।
ଅନଲାଇନ ଠକେଇର ମେରୁଦଣ୍ଡ ଭାଙ୍ଗିବାକୁ ମନ୍ତ୍ରଣାଳୟ ପକ୍ଷରୁ ୮୨୭ଟି ସନ୍ଦେହଜନକ ମୋବାଇଲ ଆପ୍କୁ ନିଷିଦ୍ଧ କରାଯାଇସାରିଛି। ଏହାବ୍ୟତୀତ ‘ସହଯୋଗ’ ପୋାର୍ଟାଲ ଜରିଆରେ ୧.୧୧ ଲକ୍ଷ ଆପତ୍ତିଜନକ ବିଷୟବସ୍ତକୁ ହଟାଇ ଦିଆଯାଇଛି। ସାଇବର ସିଣ୍ଡିକେଟଗୁଡିକ ନୂଆ ନୂଆ ପଦ୍ଧତିରେ ଲୋକଙ୍କୁ ଲୁଟିବାକୁ ଯୋଜନା କରୁଥିବାରୁ ସେମାନଙ୍କୁ ନିୟନ୍ତ୍ରଣ କରିବା କଷ୍ଟକର ହୋଇପଡୁଛି।
Comments ସମସ୍ତ ମତାମତ