Tags : westbengal cm

ନୂଆଦିଲ୍ଲୀ: କିଏ ବନିବେ ପଶ୍ଚିମବଙ୍ଗର ପ୍ରଥମ ବିଜେପି ମୁଖ୍ୟମନ୍ତ୍ରୀ ? ଆଜି ଘୋଷଣା ହୋଇପାରେ ସିଏମଙ୍କ ନାଁ।ବିଜେପିର ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀଙ୍କ ନାଁ ଚୂଡ଼ାନ୍ତ ହେବ । କେନ୍ଦ୍ର ଗୃହ ମନ୍ତ୍ରୀ ତଥା କେନ୍ଦ୍ରୀୟ ପର୍ୟ୍ୟବେକ୍ଷକ ଅମିତ୍ ଶାହ ଏବଂ ଓଡ଼ିଶା ମୁଖ୍ୟମନ୍ତ୍ରୀ ତଥା ସହ-ପର୍ୟ୍ୟବେକ୍ଷକ ମୋହନ ଚରଣ ମାଝୀ ସିଏମ୍ ଚେହେରାରେ ମୋହର ମାରିବେ।
ଆସନ୍ତାକାଲି ରବୀନ୍ଦ୍ରନାଥ ଟାଗୋରଙ୍କ ଜୟନ୍ତୀ ଅବସରରେ ପଶ୍ଚିମବଙ୍ଗରେ ବିଜେପିର ପ୍ରଥମ ସରକାର ଶପଥ ଗ୍ରହଣ କରିବ। ଏଥିପାଇଁ କୋଲକାତାର ବ୍ରିଗେଡ୍ ପ୍ୟାରେଡ୍ ଗ୍ରାଉଣ୍ଡରେ ବ୍ୟାପକ ଆୟୋଜନ କରାଯାଉଛି। ଶପଥଗ୍ରହଣ ସମାରୋହରେ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହଙ୍କ ସମେତ ବହୁ ବିଶିଷ୍ଟ ନେତା ଯୋଗଦେବାର କାର୍ୟ୍ୟକ୍ରମ ରହିଛି। 

ତେବେ ମୁଖ୍ୟମନ୍ତ୍ରୀ ଦୌଡ଼ରେ ଅନେକ ନେତା ଥିବାବେଳେ ସବୁଠୁ ଆଗରେ ଶୁଭେନ୍ଦୁ ଅଧିକାରୀ। କାରଣ ଥରେ ନୁହେଁ ଦୁଇ ଦୁଇ ଥର ମମତା ବାନାର୍ଜୀଙ୍କୁ ହରାଇଛନ୍ତି ଶୁଭେନ୍ଦୁ । ପୂର୍ବତନ ରାଜ୍ୟ ସଭାପତି ତଥା ଟାଣୁଆ ସଂଗଠକ ଦିଲ୍ଲୀପ ଘୋଷ ଓ ରାଜ୍ୟ ସଭାପତି ସମିକ୍ ଭଟ୍ଟାଚାର୍ୟ୍ୟଙ୍କ ନାଁ ଆଗରେ ରହିଛି। ଅନ୍ୟପଟେ ରୁପା ଗାଙ୍ଗୁଲି ଓ ଅଗ୍ନିମିତ୍ର ପଲଙ୍କ ନାଁ ମଧ୍ୟ ଚର୍ଚ୍ଚାରେ ରହିଛି।