Tags : utkal university

ଉତ୍କଳ ବିଶ୍ବବିଦ୍ୟାଳୟରେ ଭାଙ୍ଗିଲା ବିଜେଡି ଗଡ଼। ଲଗାତାର ଉତ୍କଳ କ୍ୟାମ୍ପସରେ ବିଜୟର ବାନା ଉଡ଼ାଉଥିବା ଛାତ୍ର ବିଜେଡିକୁ ଲାଗିଛି ଶକ୍ତ ଧକ୍କା। କୌଣସି ଗୋଟିଏ ବି ପଦବୀରେ ସଙ୍ଗଠନର ପ୍ରାର୍ଥୀ ବିଜୟୀ ହୋଇପାରି ନାହାନ୍ତି। ରାଜ୍ୟର ପ୍ରମୁଖ ଶିକ୍ଷାନୁଷ୍ଠାନ ଭାବେ ପରିଚିତ ଉତ୍କଳକୁ କବଜା କରିଛି ଏବିଭିପି। ୯ରୁ ୭ଟି ସିଟରେ ଏବିଭିପି ପ୍ରାର୍ଥୀ ବିଜୟୀ ହୋଇଛନ୍ତି । ଉତ୍କଳ ବିଶ୍ବବିଦ୍ୟାଳୟ ସଭାପତି ଭାବେ ନିର୍ବାଚିତ ହୋଇଛନ୍ତି ଅଭିରାମ ମିଶ୍ର। 
ସାଧାରଣ ସମ୍ପାଦକ ଭାବେ ନିର୍ବାଚିତ ହେଲେ ଆୟୂଶ୍ରୀ ପ୍ରଧାନ। ଉପସଭାପତି ସହ ୨ଟି ସିଟ୍ ଜିତିଛି ଏନଏସୟୁଆଇ। ପପୁ ରାଉତ ଉପସଭାପତି ଭାବେ ନିର୍ବାଚିତ ହୋଇଛନ୍ତି। ଜ୍ୟୋତିଶ୍ରୀ ସାହୁ ହେଲେ ଯୁଗ୍ମ ସାଧାରଣ ସମ୍ପାଦକ । ବିସିଜେଡି ଏଥର ଚିତ୍ ପଟାଙ୍ଗ ମାରିଛି। ଗୋଟିଏ ସମୟରେ ଶୀର୍ଷରେ ରହୁଥିବା ଛାତ୍ର ବିଜେଡି ଏଥର ତୃତୀୟ ସ୍ଥାନକୁ ଖସି ଆସିଛି। ପୂର୍ବ ବର୍ଷଗୁଡ଼ିକ ଭଳି ଏଥର ମଧ୍ୟ ଛାତ୍ର କଂଗ୍ରେସ ଦ୍ବିତୀୟ ସ୍ଥାନ ବଜାୟ ରଖିବାରେ ସକ୍ଷମ ହୋଇଛି।