Apr 26, 2026
ମୁଖ୍ୟ ଖବର
ନୂଆଦିଲ୍ଲୀ: ୱାଶିଂଟନର ହିଲଟନ ହୋଟେଲରେ ଏକ ବଡ଼ ଅଘଟଣ ସାମ୍ନାକୁ ଆସିଛି। ଶନିବାର ରାତିରେ ହ୍ୱାଇଟ୍ ହାଉସ୍ କରେସପଣ୍ଡେଣ୍ଟଙ୍କ ରାତ୍ରୀଭୋଜନ କାର୍ୟ୍ୟକ୍ରମ ଚାଲିଥିଲା। ଏତିକିବେଳେ ହଠାତ୍ ଗୁଳି ଫୁଟିଥିଲା। ଯାହା ଫଳରେ ବ୍ୟାପକ ଆତଙ୍କ ସୃଷ୍ଟି ହୋଇଥିଲା। ସୁରକ୍ଷା କର୍ମୀମାନେ ତୁରନ୍ତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏକ ନିରାପଦ ସ୍ଥାନକୁ ସ୍ଥାନାନ୍ତର କରିଥିଲେ। ଅଧିକାରୀମାନେ ନିଶ୍ଚିତ କରିଛନ୍ତି ଯେ ଟ୍ରମ୍ପ ସୁରକ୍ଷିତ ଅଛନ୍ତି। ଏହି କାର୍ୟ୍ୟକ୍ରମରେ ଟ୍ରମ୍ପଙ୍କ ସହିତ ଉପରାଷ୍ଟ୍ରପତି ଜେ.ଡି. ଭାନ୍ସ, ପ୍ରତିରକ୍ଷା ସଚିବ ପିଟ୍ ହେଗସେଥ୍ ଏବଂ ବୈଦେଶିକ ସଚିବ ମାର୍କୋ ରୁବିଓ ଉପସ୍ଥିତ ଥିଲେ। ସୁରକ୍ଷା ଏଜେନ୍ସି ଗୁଡ଼ିକ ତୁରନ୍ତ ଏହି ସମସ୍ତ ପ୍ରମୁଖ ନେତାଙ୍କୁ ବାହାରକୁ ବାହାର କରିଦେଇଥିଲେ। ଜଣେ ପୁଲିସ୍ ଅଧିକାରୀଙ୍କ କହିବା ମୁତାବକ ଜଣେ ଆକ୍ରମଣକାରୀ ଗୁଳି ଚଳାଇଛନ୍ତି। ପ୍ରତ୍ୟକ୍ଷଦର୍ଶୀମାନେ ପ୍ରାୟ ପାଞ୍ଚରୁ ଆଠଟି ଗୁଳିର ଶବ୍ଦ ଶୁଣିବା କଥା କହିଛନ୍ତି।
ଗୁଳିକାଣ୍ଡ ହେବା ମାତ୍ରେ, ହଲରେ ଉପସ୍ଥିତ ଥିବା ଶହ ଶହ ସାମ୍ବାଦିକ ଏବଂ ବରିଷ୍ଠ ଅଧିକାରୀମାନେ ନିଜ ଜୀବନ ବଞ୍ଚାଇବା ପାଇଁ ଟେବୁଲ ତଳେ ଲୁଚି ରହିଥିଲେ। ଗୁସୁରକ୍ଷା ଏଜେନ୍ସିଗୁଡ଼ିକ ସମଗ୍ର ହଲ୍ ଘେରି ରହିଥିଲେ। ଲୋକଙ୍କୁ ହୋଟେଲରୁ ବାହାରିବାକୁ ଅନୁମତି ଦିଆଯାଇଥିଲା, କିନ୍ତୁ କାହାକୁ ଭିତରକୁ ପ୍ରବେଶ କରିବାକୁ ଅନୁମତି ଦିଆ ଯାଇନଥିଲା। ବର୍ତ୍ତମାନ ପର୍ୟ୍ୟନ୍ତ କେହି ଆହତ ହେବାର ସୂଚନା ମିଳିନି। ସୁରକ୍ଷାକର୍ମୀଙ୍କ ପାଲଟା ଗୁଳିରେ ସମ୍ପୃକ୍ତ ଦୁର୍ବୁତ୍ତର ମୃତ୍ୟୁ ଘଟିଛି।
Comments ସମସ୍ତ ମତାମତ