Tags : trump

ୱାଶିଂଟନ:ୟୁରୋପୀୟ ସହଯୋଗୀଙ୍କୁ ଟ୍ରମ୍ପଙ୍କ ଚରମ ଚେତାବନୀ । ହର୍ମୁଜ ପ୍ରଣାଳୀର ସୁରକ୍ଷା ପାଇଁ ସାମରିକ ସହାୟତା ଦେବାକୁ କହିଛନ୍ତି ଟ୍ରମ୍ପ। ସେମାନେ ନିଜ ଯୁଦ୍ଧ ଜାହାଜ ପଠାଇବାକୁ ଦାବି କରିଛନ୍ତି। କିଛି ଦିନ ମଧ୍ୟରେ ହର୍ମୁଜ ନିକଟରେ ନୌସେନା ନିୟୋଜିତ କରିବା ପାଇଁ ନିର୍ଦ୍ଦିଷ୍ଟ ପ୍ରତିଶ୍ରୁତି ମାଗିଛନ୍ତି ଟ୍ରମ୍ପ। ନାଟୋ ମୁଖ୍ୟ ମାର୍କ ରୁଟ୍ଟେଙ୍କ ସହ ଆଲୋଚନା ପରେ ହର୍ମୁଜ ସୁରକ୍ଷା ପାଇଁ ମାଗିଛନ୍ତି ସାମରିକ ସମର୍ଥନ। ସହଯୋଗୀ ଦେଶମାନେ ସହାୟତା ନଦେଲେ ନାଟୋର ଭବିଷ୍ୟତ ବହୁତ ଖରାପ ହେବ ବୋଲି ଚେତାବନୀ ଦେଇଛନ୍ତି।

ନାଟୋରୁ ଆମେରିକା ସୈନ୍ୟ ପ୍ରତ୍ୟାହାର କରିବ ବୋଲି ଧମକ ଦେଇଛନ୍ତି। କେବଳ ରାଜନୈତିକ ପ୍ରତିଶ୍ରୁତି ନୁହେଁ, ବରଂ ପ୍ରକୃତରେ ଯୁଦ୍ଧ ଜାହାଜ ଏବଂ ମାଇନ୍ ସ୍ୱିପର୍ ପଠାଇବାକୁ ହ୍ୱାଇଟ୍ ହାଉସ୍ ଜୋର ଦେଇଛି। ହର୍ମୁଜ ପ୍ରଣାଳୀ ବିଶ୍ୱର ପ୍ରାୟ ୨୦% ତୈଳ ଏବଂ ଗ୍ୟାସ୍ ପରିବହନ ହେଉଛି। ଅନ୍ୟପଟେ ଜର୍ମାନୀ ଏବଂ ଫ୍ରାନ୍ସ ଭଳି ଦେଶ ସାମରିକ ସହାୟତା ଦେବାକୁ ଦ୍ୱିଧା ପ୍ରକାଶ କରିଛନ୍ତି। ସେମାନଙ୍କ ଯୁକ୍ତି, ଆମେରିକା ଏବଂ ଇସ୍ରାଏଲ୍ କୌଣସି ପରାମର୍ଶ ନକରି ଇରାନ ସହ ଯୁଦ୍ଧ ଆରମ୍ଭ କରିଛନ୍ତି। ସେପଟେ ଷ୍ଟ୍ରେଟ୍ ଅଫ୍ ହର୍ମୁଜ ଦେଇ ପ୍ରତିଦିନ ୧୫ଟି ତୈଳ ଜାହାଜ ଛାଡ଼ିବ ବୋଲି କହିଛି ଇରାନ। ଯେଉଁ ଜାହାଜକୁ ଇରାନ ଅନୁମତି ଦେବ, କେବଳ ସେହି ଜାହଜା ଯାଇ ପାରିବ ବୋଲି କହିଛି ତେହେରାନ।