Tags : trump

ନୂଆଦିଲ୍ଲୀ: ଗତକାଲିର ଟାରିଫ ଆଟାକ ପରେ ଆଜି ଭାରତ ଉପରେ ୨ୟ ଆଟାକ କରିଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ । ଭାରତ-ରୁଷ ସମ୍ପର୍କକୁ ନେଇ ପୁଣି ଜୋରଦାର ବର୍ଷିଛନ୍ତି । ଭାରତ ଓ ରୁଷ ଅର୍ଥନୀତିକୁ ମୃତ ଅର୍ଥନୀତି ବୋଲି କହିବା ସହ ଉଭୟ ଦେଶର ଅର୍ଥନୀତି ତଳକୁ ଯିବ ବୋଲି କହିଛନ୍ତି ।

ସୋସିଆଲ ମିଡ଼ିଆ ଟ୍ରୁଥରେ ଗୁରୁବାର ପୁଣି ଏକ ପୋଷ୍ଟ କରିଛନ୍ତି । ଏଥିରେ ସେ ଲେଖିଛନ୍ତି, "ଭାରତ ଆମେରିକା ସହ କଣ କରେ ମୁଁ ଜାଣିବାକୁ ଚାହେଁନା । ଏତିକି ଜଣେ, ସେମାନେ ତାଙ୍କର ମୃତ ଅର୍ଥନୀତିକୁ ତଳକୁ ନେଇପାରିବେ ।ସେ ଆହୁରି ଲେଖିଛନ୍ତି, ଆମେରିକା "ଭାରତ ସହିତ ବହୁତ କମ୍ ବ୍ୟବସାୟ" କରିଛି। ସେ କହିଛନ୍ତି, "ଆମେ ଭାରତ ସହିତ ବହୁତ କମ୍ ବ୍ୟବସାୟ କରିଛୁ, ସେମାନଙ୍କର ଶୁଳ୍କ ବହୁତ ଅଧିକ, ବିଶ୍ୱର ସର୍ବୋଚ୍ଚ ମଧ୍ୟରେ । ସେହିପରି, ରୁଷ ଏବଂ ଆମେରିକା ପ୍ରାୟ କୌଣସି ବ୍ୟବସାୟ କରନ୍ତି ନାହିଁ। ଆସନ୍ତୁ ଏହାକୁ ସେହିପରି ରଖିବା ଏବଂ ରୁଷର ବିଫଳ ପୂର୍ବତନ ରାଷ୍ଟ୍ରପତି ମେଡ଼ଭେଡେବଙ୍କୁ କହିବା ଯିଏ ଏବେ ବି ନିଜକୁ ରାଷ୍ଟ୍ରପତି ବୋଲି ଭାବନ୍ତି, ଏହାକୁ ଲକ୍ଷ୍ୟ କରନ୍ତୁ । ସେ ବହୁତ ବିପଦପୂର୍ଣ୍ଣ କ୍ଷେତ୍ରରେ ପ୍ରବେଶ କରୁଛନ୍ତି । "ରୁଷିଆ ସହ ଭାରତର ବନ୍ଧୁତାକୁ କ୍ଷୁବ୍ଧ ଟ୍ରମ୍ପ ଭାରତ ଉପରେ ୨୫% ଟାରିଫ୍ ଲଗାଇଛନ୍ତି । ବୁଧବାର ଏ ନେଇ ଟ୍ରମ୍ପ ଘୋଷଣା କରିବାର କିଛି ଘଣ୍ଟା ପରେ କଡା ପ୍ରତିକ୍ରିୟା ରଖିଛି ଭାରତ । ଏନେଇ ଦୁଇ ଦେଶ ମଧ୍ୟରେ ବ୍ୟାବସାୟିକ ବୁଝାମଣା ନେଇ ଆଲୋଚନା ଚାଲିଛି । ଜାତୀୟ ସ୍ୱାର୍ଥ ରକ୍ଷା ପାଇଁ ଭାରତ ଆବଶ୍ୟକ ପଦକ୍ଷେପ ନେବ ବୋଲି ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।

ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ପକ୍ଷରୁ ଆଜି ଏକ ବିବୃତ୍ତିରେ କହିଛି ଯେ, ଦ୍ୱିପାକ୍ଷିକ ବାଣିଜ୍ୟ ଉପରେ ଆମେରିକା ରାଷ୍ଟ୍ରପତି ଦେଇଥିବା ବିବୃତ୍ତିକୁ ଭାରତ ଅନୁଧ୍ୟାନ କରୁଛି । ଏହା ଭାରତ ଉପରେ କି ପ୍ରଭାବ ପକାଇବ ତାହା ଉପରେ ସମୀକ୍ଷା କରୁଛି । ମନ୍ତ୍ରଣାଳୟ ପକ୍ଷରୁ କୁହାଯାଇଛି, "ଭାରତ ଏବଂ ଆମେରିକା ଗତ କିଛି ମାସ ଧରି ଏକ ନିରପେକ୍ଷ, ସନ୍ତୁଳିତ ଏବଂ ପାରସ୍ପରିକ ଲାଭଦାୟକ ଦ୍ୱିପାକ୍ଷିକ ବାଣିଜ୍ୟ ଚୁକ୍ତିନାମା ଉପରେ ଆଲୋଚନା କରି ଆସୁଛନ୍ତି । ଆମେ ଏହି ଲକ୍ଷ୍ୟ ପ୍ରତି ପ୍ରତିବଦ୍ଧ ଅଛୁ । ସରକାର ଆମର ଚାଷୀ, ଉଦ୍ୟୋଗୀ ଏବଂ ଏମଏସଏମଇଗୁଡ଼ିକର କଲ୍ୟାଣକୁ ସୁରକ୍ଷା ଏବଂ ପ୍ରୋତ୍ସାହିତ କରିବା ପାଇଁ ସର୍ବାଧିକ ଗୁରୁତ୍ୱ ପ୍ରଦାନ କରନ୍ତି । "