Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଦେଶ ବିଦେଶ

ମୁଖ୍ୟ ଖବର

    ସୋନିଆଙ୍କ ବିରୋଧରେ ମାମଲା

    Share on :
    ajab-Image
    Date: Feb 3, 2025    Views: 4566

    ପାଟନା : ସଂସଦର ବଜେଟ ଅଧିବେଶନ ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗତ ଶୁକ୍ରବାର ଉଭୟ ଗୃହକୁ ସମ୍ବୋଧିତ କରିଥିଲେ। ତେବେ ଅଭିଭାଷଣ ପରେ କଂଗ୍ରେସ ନେତ୍ରୀ ସୋନିଆ ଗାନ୍ଧୀ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଆପତ୍ତିଜନକ ମନ୍ତବ୍ୟ ଦେଇଥିଲେ। ଏହି ପରିପ୍ରେକ୍ଷୀରେ ବିହାରର ମୁଜାଫରପୁର ବାସିନ୍ଦା ସୁଧୀର ଓଝା ନାମକ ଜଣେ ଆଇନଜୀବୀ ଶନିବାର ସ୍ଥାନୀୟ ଏକ ଅଦାଲତରେ ସୋନିଆଙ୍କ ବିରୋଧରେ ମାମଲା ଦାଏର କରିଛନ୍ତି। ଦେଶର ସର୍ବୋଚ୍ଚ ସାମ୍ବିଧାନିକ ପଦରେ ଥିବା ବ୍ୟକ୍ତିଙ୍କ ପ୍ରତି ଏଭଳି ମନ୍ତବ୍ୟ ଦେଇଥିବାରୁ ସୋନିଆଙ୍କ ବିରୋଧରେ ଏତଲା ପଞ୍ଜିକୃତ କରିବାକୁ ପୁଲିସକୁ ନିର୍ଦେଶ ଦିଆଯାଉ ବୋଲି ଓଝା ପିଟିସନରେ ଉଲ୍ଲେଖ କରିଛନ୍ତି। ପୁନଶ୍ଚ ପିଟିସନରେ ଦୁଇ କଂଗ୍ରେସ ସାଂସଦ ରାହୁଲ ଓ ପ୍ରିୟଙ୍କା ଗାନ୍ଧୀଙ୍କୁ ମଧ୍ୟ ପକ୍ଷଭୁକ୍ତ କରାଯାଇଛି। ସୂଚନାଯୋଗ୍ୟ ଉକ୍ତ ଦିନ ଅଭିଭାଷଣ ଶେଷ ହେବାପରେ ଗଣମାଧ୍ୟମକୁ ସାକ୍ଷାତକାର ଦେଉଥିବା ଅବସରରେ ସୋନିଆ ରାଷ୍ଟ୍ରପତିଙ୍କୁ ବିଚରା ମହିଳା ବୋଲି ସମ୍ବୋଧନ କରିଥିଲେ। ଭାଷଣ ଅତ୍ୟଧିକ ଲମ୍ବା ହୋଇଥିବାରୁ ଏହାକୁ ପଢିବା ପରେ ରାଷ୍ଟ୍ରପତି କ୍ଲାନ୍ତ ହୋଇପଡିଥିଲେ ବୋଲି ମଧ୍ୟ ସୋନିଆ କହିଥିଲେ। ଅପରପକ୍ଷରେ ରାହୁଲ ରାଷ୍ଟ୍ରପତିଙ୍କ ଅଭିଭାଷଣକୁ ବିରକ୍ତିଜନକ ବୋଲି କହିଥିଲେ।

    Maximum 500 characters

    ଦେଶ ବିଦେଶ View all

    Find Us on Facebook