Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଖେଳ ଖବର

ମୁଖ୍ୟ ଖବର

    ସ୍ମିଥ୍ ୪ର୍ଥ ଟେଷ୍ଟରେ ଅଧିନାୟକ

    Share on :
    ajab-Image
    Date: Mar 8, 2023    Views: 5047

    ଅହମ୍ମଦାବାଦ : ଇନ୍ଦୋର ପରେ ଅହମ୍ମଦାବାଦରେ ୪ର୍ଥ ତଥା ଅନ୍ତିମ ଟେଷ୍ଟମ୍ୟାଚ୍‌ରେ ମଧ୍ୟ ଷ୍ଟିଭେନ୍ ସ୍ମିଥ୍ ଅଷ୍ଟ୍ରେଲିଆ ଦଳର ନେତୃତ୍ବ ନେବେ। ବର୍ଡର-ଗାଭାସ୍କର ଟ୍ରଫି ଶୃଙ୍ଖଳାରେ ଅଷ୍ଟ୍ରେଲିଆ ଦଳ ନିୟମିତ ଅଧିନାୟକ ପ୍ୟାଟ୍‌ କମିନ୍‌ସ ତାଙ୍କ ଅସୁସ୍ଥ ମାଆଙ୍କ ପାଖରେ ରହିବା ପାଇଁ ୨ୟ ଟେଷ୍ଟ ପରେ ସ୍ବଦେଶ ଫେରି ଯାଇଥିଲେ। ୧ରେ ୩ୟ ଟେଷ୍ଟ ପୂର୍ବରୁ ସେ ଫେରିଆସିବେ ବୋଲି କମିନ୍‌ସ କହିଥିଲେ। ହେଲେ ସେ ନ ଫେରିବାରୁ ୩ୟ ଟେଷ୍ଟରେ ଷ୍ଟିଭ୍ ସ୍ମିଥ୍ ଦଳରେ ନେତୃତ୍ବ ନେଇଥିଲେ। ଏହି ଟେଷ୍ଟରେ ଅଷ୍ଟ୍ରେଲିଆ ୯ ୱିକେଟରେ ଜିତିଥିଲା। ଏବେ ଜାଣିବାକୁ ମିଳିଛି ଯେ ତାଙ୍କ ମାଆ ସୁସ୍ଥ ହୋଇନଥିବାରୁ ତାଙ୍କ ସହ ଆଉ କିଛିଦିନ ରହିବା ପାଇଁ କମିନ୍‌ସ ନିଷ୍ପତ୍ତି ନେଇଛନ୍ତି। ତେଣୁ ୯ରୁ ଆରମ୍ଭ ହେଉଥିବା ୪ର୍ଥ ଟେଷ୍ଟରେ ସ୍ମିଥ୍ ଅଷ୍ଟ୍ରେଲିଆ ଦଳର ନେତୃତ୍ବ ନେବେ। ଟେଷ୍ଟ ଶୃଙ୍ଖଳା ପରେ ମାର୍ଚ୍ଚ ୧୭ରୁ ଘରୋଇ ଭାରତ ୩ ମ୍ୟାଚ୍‌ର ଦିନିକିଆ ଶୃଙ୍ଖଳା ଖେଳିବ। ଉକ୍ତ ଶୃଙ୍ଖଳାରେ କମିନ୍‌ସ ଖେଳିବେ କି ନାହିଁ; ତାହାର ନିଷ୍ପତ୍ତି ପରେ ନିଆଯିବ ବୋଲି କ୍ରିକେଟ୍‌ ଅଷ୍ଟ୍ରେଲିଆ ପକ୍ଷରୁ କୁହାଯାଇଛି। ସ୍ମିଥ୍‌ଙ୍କ ନେତୃତ୍ବରେ ୩ୟ ଟେଷ୍ଟରେ ଦଳକୁ ଜିତାଇଥିବା ବେଳେ ୪ର୍ଥ ଟେଷ୍ଟରେ ଅନୁରୂପ ଫଳାଫଳ ହାସଲ କରିବ ବୋଲି ଅଷ୍ଟ୍ରେଲିଆ ଦଳ ମ୍ୟାନେଜମେଣ୍ଟର ଆଶା।

    Maximum 500 characters

    ଖେଳ ଖବର View all

    Find Us on Facebook