May 28, 2026
ମୁଖ୍ୟ ଖବର
ନୂଆଦିଲ୍ଲୀ: ଆଜି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବେ ସିଦ୍ଦରମୈୟା। କର୍ଣ୍ଣାଟକ ମୁଖ୍ୟମନ୍ତ୍ରୀ ପଦ ଛାଡ଼ି ସିଦ୍ଦରମୈୟା ରାଜ୍ୟସଭା ଯିବା ନେଇ ଚର୍ଚ୍ଚା ହେଉଛି। ସିଦ୍ଦରମୈୟାଙ୍କ ସ୍ଥାନରେ ଉପମୁଖ୍ୟମନ୍ତ୍ରୀ ଡିକେ ଶିବକୁମାର ହେବେ କର୍ଣ୍ଣାଟକ ମୁଖ୍ୟମନ୍ତ୍ରୀ। ନୂଆ ସରକାରରେ ୨ ଜଣ ଉପମୁଖ୍ୟମନ୍ତ୍ରୀ ରହିବା ଚର୍ଚ୍ଚା ହେଉଛି। ଦିଲ୍ଲୀରେ ଏଥିପାଇଁ ଜୋରସୋରରେ ଅଙ୍କକଷା ଚାଲିଛି।
ଆସନ୍ତା ଶନିବାରଠୁ କର୍ଣ୍ଣାଟକରେ ଚାଲିପାରେ ଶିବ କୁମାର ସରକାର। ସୂଚନା ଅନୁସାରେ, ମୁଖ୍ୟମନ୍ତ୍ରୀ ସିଟ୍ ଛାଡିବାକୁ ସିଦ୍ଦରମୈୟାଙ୍କୁ ବୁଝାଇ ସାରିଛନ୍ତି ହାଇକମାଣ୍ଡ। ବଦଳରେ ତାଙ୍କୁ ରାଜ୍ୟସଭା ପଠାଯିବ ଏବଂ ଜାତୀୟ ସ୍ତରରେ ପଦପଦବୀ ବି ଦିଆଯିବ। ଏପରିକି ନୂଆ ସରକାରରେ ଦୁଇ ଜଣ ଉପମୁଖ୍ୟମନ୍ତ୍ରୀ ରହିବେ ଏବଂ ସିଦ୍ଦରମୈୟାଙ୍କ ଅନୁଗତଙ୍କୁ ମନ୍ତ୍ରିମଣ୍ଡଳରେ ବଡ ପାହ୍ୟା ମିଳିପାରେ।
କର୍ଣ୍ଣାଟକରେ ମୁଖ୍ୟମନ୍ତ୍ରୀ ଆସନକୁ ନେଇ ଦୁଇ ଗୋଷ୍ଠୀ ମଧ୍ୟରେ ବର୍ଷେ ହେଲା ଛକାପଞ୍ଝା ଜାରି ରହିଛି। ୨୦୨୩ରେ ସରକାର ଗଠନ ପରେ ରୋଟେସନ୍ ଆଧାରରେ ଅଢେଇ ବର୍ଷ ପରେ ମୁଖ୍ୟମନ୍ତ୍ରୀ ଦାୟିତ୍ବ ବଦଳିବା ନେଇ ସ୍ଥିର ହୋଇଥିଲା। ତେବେ ଏଯାଏଁ ଡିକେଏସଙ୍କୁ ମୁଖ୍ୟମନ୍ତ୍ରୀ କରାନଯିବାରୁ ତାଙ୍କ ସମର୍ଥକ ପ୍ରତିବାଦ କରୁଛନ୍ତି।
Comments ସମସ୍ତ ମତାମତ