Tags : salim khan

ମୁମ୍ବାଇ: ସଲମାନ ଖାନଙ୍କ ବାପା ତଥା ଦିଗଜ ସ୍କ୍ରିନ୍ ରାଇଟର୍ ସଲିମ ଖାନଙ୍କୁ ଗତକାଲି ଲୀଳାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହାପରେ ସଲମାନଙ୍କୁ ସେଠାରେ ଦେଖିବାକୁ ମିଳିଥିଲା। ପରେ ପରେ ପରିବାର ଅନ୍ୟ ସଦସ୍ୟମାନେ ମଧ୍ୟ ହସ୍ପିଟାଲରେ ନଜର ଆସିଥିଲେ। ଏହି ଖବର ପରେ ଫ୍ୟାନ୍ସ ସଲିମ ଖାନଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ଚିନ୍ତିତ ଥିଲେ ଏବଂ ଜାଣିବାକୁ ଚାହୁଁଥିଲେ ତାଙ୍କର କ’ଣ ହୋଇଛି?ତେବେ ପରିବାର ପକ୍ଷରୁ ଏପର୍ୟ୍ୟନ୍ତ କୌଣସି ବୟାନ ସାମ୍ନାକୁ ଆସିନାହିଁ। କିନ୍ତୁ ମିଡିଆ ରିପୋର୍ଟ ଅନୁଯାୟୀ, ସଲିମଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା। ସାମ୍ବାଦିକ ବିକି ଲାଲୱାନି ପ୍ରକାଶ କରିଛନ୍ତି ଯେ ସଲିମ ଖାନଙ୍କୁ କାହିଁକି ଡାକ୍ତରଖାନାରେ ଭର୍ତ୍ତି କରାଯାଇଛି ।​​​​ବିକି ଲାଲୱାନି ତାଙ୍କ ଇନଷ୍ଟା ପୋଷ୍ଟରେ ସଲିମ ଖାନଙ୍କୁ ଡାକ୍ତରଖାନାରେ ଭର୍ତ୍ତି କରିବାର କାରଣ ପ୍ରକାଶ କରି କହିଛନ୍ତି ସଲିମ ଖାନଙ୍କ ରକ୍ତ ଜମାଟ ବାନ୍ଧିଥିବା ଜଣାପଡିଛି। ସେ ତାଙ୍କ ପୋଷ୍ଟରେ ଲେଖିଛନ୍ତି, "ସଲିମ ଖାନ ମୁଣ୍ଡ ବୁଲାଉଥିଲା, ଏହା ପରେ ସଲମାନ ଏବଂ ତାଙ୍କ ପରିବାର ତାଙ୍କୁ ଲୀଳାବତୀ ହସ୍ପିଟାଲକୁ ନେଇଥିଲେ। ସଲିମ ସାହାବ ଆଇସିୟୁରେ ଥିଲେ କିନ୍ତୁ ତାଙ୍କର ଭାଇରାଲ ପାରାମିଟର ସ୍ଥିର ରହିଛି।"୯୦ ବର୍ଷିୟ ସଲିମ ଖାନଙ୍କ ଚିକିତ୍ସା କରୁଥିବା ଡାକ୍ତର ଜଲିଲ ପାର୍କର ତାଙ୍କ ସ୍ୱାସ୍ଥ୍ୟ ଅପଡେଟ୍ ଦେଇଛନ୍ତି। ସେ ମଙ୍ଗଳବାର ସକାଳ ୮:୩୦ ରେ ସଲିମ ଖାନଙ୍କ ଆଇସିୟୁରେ ଆଡମିଶନ ନିଶ୍ଚିତ କରିଛନ୍ତି। ପାର୍କର ତାଙ୍କ ବିବୃତ୍ତିରେ କହିଛନ୍ତି, ସେ ଷ୍ଟେବୁଲ ଅଛନ୍ତି କିନ୍ତୁ ତାଙ୍କର କ୍ଲିନିକାଲ ସ୍ଥିତି ପାଇଁ ତାଙ୍କ ଉପରେ ନଜର ରଖାଯାଉଛି ।

ଡାକ୍ତର ଆହୁରି କହିଛନ୍ତି, “ସଲିମ ଖାନଙ୍କୁ ତାଙ୍କ ପରିବାର ଡାକ୍ତର ସନ୍ଦୀପ ଚୋପ୍ରା ଏମରଜେନ୍ସିକୁ ଆଣିଥିଲେ। ଡାକ୍ତର ବିନୟ ଚୌହାନ (ସ୍ନାୟୁବିଜ୍ଞାନୀ), ଡକ୍ଟର ଅଜିତ ମେନନ (କାର୍ଡିଓଲୋଜିଷ୍ଟ) ଏବଂ ଡକ୍ଟର ନିତିନ ଡେଞ୍ଜ (ନ୍ୟୁରୋ ସର୍ଜନ) ଏବଂ ଡକ୍ଟର ବିନେଟ ଅହଲୁୱାଲିଆଙ୍କୁ ନେଇ ଗଠିତ ଏକ ଟିମ୍ ତାଙ୍କୁ ଚିକିତ୍ସା କରିଥିଲେ।