Tags : revantha reddy

ନୂଆଦିଲ୍ଲୀ: ପିଓକେକୁ ଭାରତ ସହିତ ମିଶାଇ ଦିଅ। ପାକିସ୍ତାନକୁ ଦୁଇ ଭାଗ କରିଦିଅ। ଆତଙ୍କବାଦୀଙ୍କୁ ଉଚିତ ଜବାବ ଦେବାକୁ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ଏ ରେବନ୍ତ ରେଡ୍ଡୀ। ପହଲଗାମ ଆତଙ୍କବାଦୀ ହମ୍‌ଲା ବିରୋଧରେ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କ ନେତୃତ୍ୱରେ ଶୁକ୍ରବାର ହାଇଦ୍ରାବାଦରେ ଏକ ଶୋଭାଯାତ୍ରା ବାହାରିଥିଲା। ଏଥିରେ ସାଂସଦ ଅସଦୁଦ୍ଦିନ ଓୱେସି, କଂଗ୍ରେସ ନେତା ସଲମାନ ଖୁର୍ସିଦଙ୍କ ସମେତ ଅନେକ ନେତା ଅଂଶଗ୍ରହଣ କରିଛନ୍ତି। 
ଆତଙ୍କବାଦୀ ଆକ୍ରମଣ ପରବର୍ତ୍ତୀ ପରିସ୍ଥିତିର ମୁକାବିଲା ପାଇଁ କେନ୍ଦ୍ରକୁ ସମର୍ଥନ ଜଣାଇ ମୁଖ୍ୟମନ୍ତ୍ରୀ ଏ ରେବନ୍ତ ରେଡ୍ଡୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପାକିସ୍ତାନ ଏବଂ ଆତଙ୍କବାଦୀଙ୍କୁ ଉଚିତ ଜବାବ ଦେବାକୁ ଅନୁରୋଧ କରିଛନ୍ତି। ସେ କହିଛନ୍ତି, "ପିଓକେକୁ ଭାରତ ସହିତ ମିଶ୍ରଣ କରିବାକୁ ହେଲେ ମଧ୍ୟ କଠୋର କାର୍ୟ୍ୟାନୁଷ୍ଠାନ ଗ୍ରହଣ କରାଯିବା ଉଚିତ। ପହଲଗାମ ଭଳି ଘଟଣାକୁ ରୋକିବା ପାଇଁ କେନ୍ଦ୍ର ସରକାରଙ୍କ ଦ୍ୱାରା ନିର୍ଣ୍ଣାୟକ କାର୍ୟ୍ୟାନୁଷ୍ଠାନର ଆବଶ୍ୟକତା ରହିଛି।"ସେ ମନେ ପକାଇ ଦେଇଛନ୍ତି ଯେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ୧୯୭୧ ମସିହାରେ ବାଂଲାଦେଶ ସୃଷ୍ଟି ସମ୍ପର୍କରେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ଦେବୀ ଦୁର୍ଗାଙ୍କ ସହ ତୁଳନା କରିଥିଲେ।ସିଏମ୍ ରେଡ୍ଡୀ କହିଛନ୍ତି, ପ୍ରଧାନମନ୍ତ୍ରୀ ମୋଦୀ ଦୁର୍ଗା ମାତାଙ୍କୁ ମନେ ପକାନ୍ତୁ, ପାକିସ୍ତାନ ଉପରେ ଆକ୍ରମଣ ହେଉ କିମ୍ବା ଅନ୍ୟ କୌଣସି ପଦକ୍ଷେପ। ଆଜି ପାକିସ୍ତାନ ବିରୁଦ୍ଧରେ ପଦକ୍ଷେପ ନିଆଯିବା ଉଚିତ। ଏହା ଆପୋଷ କରିବାର ସମୟ ନୁହେଁ, ଉଚିତ ଜବାବ ଦିଆଯିବା ଉଚିତ। ଆଗକୁ ବଢ଼ନ୍ତୁ, ଆମେ ଆପଣଙ୍କ ସହିତ ଛିଡ଼ା ହେବୁ। ୧୪୦ କୋଟି ଭାରତୀୟ ଆପଣଙ୍କ ସହିତ ଅଛନ୍ତି। ପାକିସ୍ତାନକୁ ଦୁଇ ଭାଗରେ ବାଣ୍ଟିଦିଅ, ପିଓକେକୁ ଭାରତ ସହିତ ମିଶ୍ରଣ କର। ଆମେ ତୁମ ସହିତ ଠିଆ ହେବୁ।"