Tags : repo rate

ନୂଆଦିଲ୍ଲୀ: ଏବେ  ମୁଦ୍ରାସ୍ଫୀତି ନିୟନ୍ତ୍ରଣରେ ରହିଛି । ଏଭଳି  ସ୍ଥିତିରେ ରିଜର୍ଭ ବ୍ୟାଙ୍କ ରେପୋ ହାରକୁ  ୨୫ ବେସିସ୍‌ ପଏଣ୍ଟ କମାଇପାରେ ବୋଲି ଏସ୍‌ବିଆଇ ରିସର୍ଚ୍ଚ ପକ୍ଷରୁ  ଆକଳନ କରାଯାଇଛି । ଆଜିଠୁ ଗଭର୍ଣ୍ଣର ସଞ୍ଜୟ  ମାଲ୍‌ହୋତ୍ରାଙ୍କ ଅଧ୍ୟକ୍ଷତାରେ କେନ୍ଦ୍ରୀୟ  ବ୍ୟାଙ୍କର ମୁଦ୍ରାନୀତି କମିଟି (ଏମ୍‌ପିସି)  ବୈଠକ ବସିବ । ଭାରତର ରପ୍ତାନି ଉପରେ  ଆମେରିକା ୫୦% ଟାରିଫ ଲଗାଇଛି ।  ଏଭଳି ସ୍ଥିତିରେ ଅର୍ଥନୀତିର ବିଭିନ୍ନ  ଗୁରୁତ୍ୱପୂର୍ଣ୍ଣ ଦିଗ ଉପରେ ୩ ଦିନିଆ  ବୈଠକରେ ମାନସ ମନ୍ଥନ କରିବ କେନ୍ଦ୍ରୀୟ ବ୍ୟାଙ୍କ ।  

ଅକ୍ଟୋବର ୧ରେ କେନ୍ଦ୍ରୀୟ ବ୍ୟାଙ୍କ ଏହାର ନିଷ୍ପତ୍ତି ଘୋଷଣା କରିବ ।  ଦରଦାମ କମିବା ଯୋଗୁ ଆର୍‌ବିଆଇ  ୩ଟି ପର୍ୟ୍ୟାୟରେ ଏହାର ରେପୋ  ହାରରେ ୧୦୦ ବେସିସ୍‌ ପଏଣ୍ଟ  ହ୍ରାସ କରିଛି । ତେବେ ଆମେରିକା  ଟାରିଫ ଲାଗୁ କରିବା ପରେ କେନ୍ଦ୍ରୀୟ  ବ୍ୟାଙ୍କ ଏହାର ଅକ୍ଟୋବର ମୁଦ୍ରା ନୀତି  ବୈଠକରେ ସୁଧହାରକୁ ଅପରିବର୍ତ୍ତିତ  ରଖିଥିଲା ।  ବଜାରର ବିଭିନ୍ନ ଦିଗ ଉପରେ  ଧ୍ୟାନ କେନ୍ଦ୍ରିତ କରିଛି କେନ୍ଦ୍ରିୟ ବ୍ୟାଙ୍କ ।  ଏଭଳି ସ୍ଥିତିରେ ରେପୋ ୨୫ ବେସିସ୍‌  ପଏଣ୍ଟ କମାଇପାରେ ବୋଲି କହିଛି  ଏସ୍‌ବିଆଇ ।

ବ୍ୟାଙ୍କ ଅଫ୍‌ ବରୋଦାର  ମୁଖ୍ୟ ଅର୍ଥନୀତିଜ୍ଞ ମଦନ ସବନାଭିସ  କହିଛନ୍ତି, କେନ୍ଦ୍ରିୟ ବ୍ୟାଙ୍କ ବଜାରର  ବିଭିନ୍ନ ଦିଗ ଉପରେ ଧ୍ୟାନ ରଖିଛି ।  ରେପୋ ରେଟ୍‌ କମିବାର କମ୍‌ ସମ୍ଭାବନା  ରହିଛି । କ୍ରିସିଲର ମୁଖ୍ୟ ଅର୍ଥନୀତିଜ୍ଞ  ଧର୍ମକିର୍ତ୍ତୀ ଯୋଶୀ କହିଛନ୍ତି, ଦରଦାମ  କମ ଥିବାରୁ କେନ୍ଦ୍ରୀୟ ବ୍ୟାଙ୍କ ସୁଧହାର  କମାଇପାରେ