Apr 13, 2026
ମୁଖ୍ୟ ଖବର
ଭୁବନେଶ୍ୱର: ସ୍ନାନ ଯାତ୍ରା ପୂର୍ବରୁ ଶେଷ ହେବ ରତ୍ନଭଣ୍ଡାର ଗଣତି। ଆଜିଠାରୁ ଆରମ୍ଭ ହୋଇଛି ମହାପ୍ରଭୁଙ୍କ ଅଳଙ୍କାରର ଗଣତି ଓ ମଣତି ପ୍ରକ୍ରିୟା। ପ୍ରଥମ ପର୍ୟ୍ୟାୟରେ ଏହା ୪ ଦିନ ଧରି ଚାଲିବାକୁ ଥିବା ବେଳେ, ୧୩ ତାରିଖରୁ ଆଉ ଏକ ପର୍ୟ୍ୟାୟ ଗଣତି ହେବ ବୋଲି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି।
ତେବେ ଏହି ପ୍ରକ୍ରିୟାକୁ ସମ୍ପୂର୍ଣ୍ଣ ସ୍ୱଚ୍ଛ ରଖିବା ପାଇଁ ଡିଜିଟାଲ ଫଟୋଗ୍ରାଫିର ସହାୟତା ନିଆଯିବ। ୧୯୭୮ ମସିହାରେ ଶେଷଥର ପାଇଁ ହୋଇଥିବା ଗଣତି ସହ ଏବେକାର ଅଳଙ୍କାରକୁ ମିଳାଯିବ। କେବଳ ସେତିକି ନୁହେଁ, ବରଂ ମହାପ୍ରଭୁଙ୍କ ଏହି ବହୁମୂଲ୍ୟ ରତ୍ନରାଜିକୁ କିପରି ଦୀର୍ଘ ସମୟ ପର୍ୟ୍ୟନ୍ତ ସୁରକ୍ଷିତ ରଖାଯାଇପାରିବ, ସେନେଇ ସ୍ୱତନ୍ତ୍ର ବ୍ୟବସ୍ଥା କରାଯାଉଛି।
Comments ସମସ୍ତ ମତାମତ