Apr 6, 2026
ମୁଖ୍ୟ ଖବର
ପଟ୍ଟାମୁଣ୍ଡାଇ : ପଟ୍ଟାମୁଣ୍ଡାଇ ଥାନା ଗାଙ୍ଗପଡା ଗ୍ରାମରେ ଏକ ଲଜ୍ଜାଜନକ ଘଟଣା ଘଟିଛି। ମାନସିକ ବିକାରଗସ୍ତ ଯୁବତୀକୁ ସେହି ଗ୍ରାମର ଜନୈକ ଯୁବକ ବଳପୂର୍ବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି।ପଟ୍ଟାମୁଣ୍ଡାଇ ଆଦର୍ଶ ଥାନା ପୁଲିସ ଘଟଣାରେ ଏକ ମାମଲା ରୁଜୁ ଅଭିଯୁକ୍ତ ଆସାମୀକୁ ଗିରଫ କରି ତଦନ୍ତ ଆରମ୍ଭ କରିଛନ୍ତି। ଏହି ଘଟଣାଟି ଉକ୍ତ ଅଞ୍ଚଳରେ ଆଲୋଡନ ସୃଷ୍ଟି କରିଛି। ଅଭିଯୋଗ ଅନୁସାରେ ଗ୍ରାମରେ ଅଷ୍ଟମ ପ୍ରହରୀ ପାଇଁ ଗତକାଲି ଟେଣ୍ଟ ବନ୍ଧା ଯାଉଥିଲା। ନିଜ ଘର ସାମ୍ନାରେ ବସି ଜନୈକା ମାନସିକ ବିକାରଗସ୍ତ ଯୁବତୀ ଟେଣ୍ଟ ବନ୍ଧା କାମ ଦେଖୁଥିଲା। ଯୁବତୀଙ୍କ ଅସହାୟତାର ସୁଯୋଗ ନେଇ ସେହି ଜନୈକ ଯୁବକ ଅତ୍ୟନ୍ତ ଚତୁରତାର ସହ ଯୁବତୀଙ୍କୁ ନିକଟସ୍ଥ ଏକ ପରିତ୍ୟକ୍ତ ଘରକୁ ନେଇ ଦୁଷ୍କର୍ମ କରିଥିଲା। ଯୁବତୀକୁ ଘର ସାମ୍ନାରେ ନପାଇ ପରିବାର ଲୋକମାନେ ବ୍ୟତିବ୍ୟସ୍ତ ହୋଇ ବିଭିନ୍ନ ଆଡେ ଖୋଜିବା ଆରମ୍ଭ କରିଥିଲେ। ତେବେ ଯୁବତୀଙ୍କ ନାଁ ଧରି ତାଙ୍କ ବାପା ବଡ଼ ପାଟିରେ ଡାକିବାରୁ ସେ ନିକଟସ୍ଥ ଏକ ପରିତ୍ୟକ୍ତ ଘରୁ ଅର୍ଦ୍ଧ ଉଲଗ୍ନ ହୋଇ କାନ୍ଦି କାନ୍ଦି ବାହାରି ଥିଲା। ସେଠାରେ ଜନୈକ ଯୁବକ ଅର୍ଦ୍ଧ ଉଲଗ୍ନ ହୋଇ ଶୋଇଥିବା ଦେଖିବାକୁ ମିଳିଥିଲା। ଯୁବତୀଙ୍କ ବାପା ଓ ଗ୍ରାମର କିଛି ଲୋକ ପାଟି କରିବାରୁ ଯୁବକ ଜଣକ ଘଟଣାସ୍ଥଳରୁ ଖସି ଯାଇଥିଲା। ପରେ ପୀଡିତାଙ୍କ ବାପା ପଟ୍ଟାମୁଣ୍ଡାଇ ଆଦର୍ଶ ଥାନାରେ ଲିଖିତ ଅଭିଯୋଗ କରିଥିଲେ।
ଥାନାଧିକାରୀ ବନ୍ଦନା ପାତ୍ର ମାମଲା ରୁଜୁ ସାଇଣ୍ଟିଫିକ ଟିମ ସହିତ ଘଟଣାସ୍ଥଳ ପରିଦର୍ଶନ କରିଛନ୍ତି। ମାମଲାର ଅଭିଯୁକ୍ତ ଚନ୍ଦ୍ରମଣି ଓରଫ ଚଗଲା ଜେନାକୁ ଗିରଫ କରି ଥାନାକୁ ଆଣିବା ସହିତ ତନାଘନା ତଦନ୍ତ ଆରମ୍ଭ କରିଛନ୍ତି। ଅଭିଯୁକ୍ତଙ୍କ ବିରୋଧରେ ଥିବା ସମସ୍ତ ସାକ୍ଷ୍ୟ ପ୍ରମାଣକୁ ଭିତ୍ତି କରି ଆଜି ଅଦାଲତ ଚାଲାଣ କରାଯାଇଛି ବୋଲି ଆଦର୍ଶ ଥାନାଧିକାରୀ ପ୍ରକାଶ କରିଛନ୍ତି।
Comments ସମସ୍ତ ମତାମତ