Mar 1, 2026
ମୁଖ୍ୟ ଖବର
ଭୁବନେଶ୍ଵର : ଆଜି ବିଜେଡିର ରାଜ୍ୟସଭା ପ୍ରାର୍ଥୀ ଘୋଷଣା କଲେ ନବୀନ ପଟ୍ଟନାୟକ। ସଂତୃପ୍ତ ମିଶ୍ର ଓ ଡା ଦତ୍ତେଶ୍ବର ହୋତାଙ୍କୁ ପ୍ରାର୍ଥୀ କରିଛନ୍ତି। ସଂତୃପ୍ତଙ୍କୁ ତୃତୀୟ ଓ ଦତ୍ତେଶ୍ବରଙ୍କୁ ଚତୁର୍ଥ ଆସନ ପାଇଁ ପ୍ରାର୍ଥୀ କରାଯାଇଛି। ଦତ୍ତେଶ୍ବରଙ୍କୁ କମନ କ୍ୟାଣ୍ଡିଡେଟ୍ କହି ସମର୍ଥନ ଲୋଡିଛନ୍ତି ନବୀନ ପଟ୍ଟନାୟକ । ଦତ୍ତେଶ୍ବରଙ୍କୁ ସବୁ ଦଳ ସମର୍ଥନ କରନ୍ତୁ ବୋଲି ନବୀନ କହିଛନ୍ତି। ସେପଟେ ବିଜେଡି ପ୍ରାର୍ଥୀ ଘୋଷଣା ପରେ ପ୍ରତିକ୍ରିୟା ରଖିଛନ୍ତି ଡାକ୍ତର ଦତ୍ତେଶ୍ଵର ହୋତା। କହିଛନ୍ତି ନବୀନ ପଟ୍ଟନାୟକ ମୋତେ ଏହି ଦାୟିତ୍ଵ ଦେଇଥିବାରୁ ମୁଁ ତାଙ୍କୁ କୃତଜ୍ଞତା ଜଣାଉଛି। ରାଜ୍ୟର ଉନ୍ନତି ଲାଗି ମୁଁ ସମସ୍ତ ପ୍ରଚେଷ୍ଟା କରିବି। ମୋର ଯାହା ବିଦ୍ୟା ମୁଁ ଅର୍ଜନ କରିଛି , ଯାହା ବି ମୋର ଜ୍ଞାନ ଅଛି , ବିଶେଷ କରି ସ୍ଵାସ୍ଥ୍ୟକ୍ଷେତ୍ରରେ ମୁଁ ନିଶ୍ଚିତ ଭାବରେ ଚେଷ୍ଟା କରିବି ଯାହାବି ଆମର ସୁବିଧା ଅସୁବିଧା ଅଛି , ତାହା ସମାଧାନ କରିବି।
Comments ସମସ୍ତ ମତାମତ