Tags : rahul gandhi

ନୂଆଦିଲ୍ଲୀ: ଲୋକସଭା ସାଂସଦ ତଥା କଂଗ୍ରେସ ନେତା ରାହୁଲ ଗାନ୍ଧୀ ବିହାର ନର୍ବାଚନ ପୂର୍ବରୁ ପୁଣି ଥରେ 'ଭୋଟ ଚୋରି' ପ୍ରସଙ୍ଗ ଉଠାଇଛନ୍ତି । ନିର୍ବାଚନ କମିଶନଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି ରାହୁଲ ଗାନ୍ଧୀ । ଭୋଟ ଡିଲିଟି୍‌ କରିଥିବା ଗମ୍ଭୀର ଅଭିଯୋଗ ଆଣିଛନ୍ତି । ଭାରତୀୟ ନିର୍ବାଚନ କମିଶନ ଗଣତନ୍ତ୍ରକୁ ଧ୍ବଂସ କରିଥିବା ଲୋକଙ୍କୁ ସୁରକ୍ଷା ଦେଉଥିବା କହିଛନ୍ତି ରାହୁଲ ଗାନ୍ଧୀ । ନିର୍ବାଚନ କମିଶନ ଜ୍ଞ୍ୟାନେଶ କୁମାରଙ୍କ ସିଧା ଟାର୍ଗେଟ କରିଛନ୍ତି । ୨୦୨୩ କର୍ଣ୍ଣାଟକ ନିର୍ବାଚନ ଗ୍ରାଫିକ୍ସ ଦେଖାଇ ଭୋଟ ଡିଲିଟ୍‌ର ପ୍ରମାଣ ଦେଇଛନ୍ତି ରାହୁଲ ।
ପ୍ରେସମିଟ୍‌ ଆରମ୍ଭ କରି ରାହୁଲ ଗାନ୍ଧୀ କହିଛନ୍ତି, ପ୍ରଥମେ କହିବାକୁ ଚାହୁଁଛି ଏହା ଏଚ୍‌-ବୋମା ବା ହାଇଡ୍ରୋଜେନ ବମ୍‌ ନୁହେଁ...ଏଚ୍‌-ବୋମା ଆସୁଛି । ନିର୍ବାଚନରେ କିପରି ହେରଫେର ହେଉଛି ଦେଶର ଯୁବପିଢ଼ିଙ୍କୁ ତାହା ଜଣାଇବାକୁ ଏହା ଆଉ ଏକ ମାଇଲଖୁଣ୍ଟ । ଭାରତୀୟ ନିର୍ବାଚନ କମିଶନ ଭାରତର ଗଣତନ୍ତ୍ରକୁ ଧ୍ୱଂସ କରିଥିବା ବ୍ୟକ୍ତିଙ୍କୁ ସୁରକ୍ଷା ଦେଉଛନ୍ତି । ମୁଁ ଏହି ମଞ୍ଚରେ ଏପରି କିଛି କହିବି ନାହିଁ ଯାହା କି ଶତପ୍ରତିଶତ ସତ । ମୁଁ ଯିଏ କି ମୋ ଦେଶକୁ ଭଲ ପାଏ, ମୋର ସମ୍ବିଧାନକୁ ଭଲ ପାଏ, ମୁଁ ଗଣତାନ୍ତ୍ରିକ ପ୍ରକ୍ରିୟାକୁ ଭଲ ପାଏ ଏବଂ ସେହି ପ୍ରକ୍ରିୟାକୁ ମୁଁ ସୁରକ୍ଷା ଦେଉଛି । ଏପରି କିଛି କହିବି ନାହିଁ ଯାହା ୧୦୦% ପ୍ରମାଣ ଉପରେ ଆଧାରିତ ହେବ ନାହିଁ ଯାହା ଆପଣ ନିର୍ଣ୍ଣୟ କରିବେ ।"ଭୋଟର ଲିଷ୍ଟରୁ ନାମ ହଟାଯାଇଥିବା ରାହୁଲଙ୍କ ଦାବି- ପ୍ରେସମିଟ୍‌ରେ ଭିଡିଓ ଗ୍ରାଫିକ୍‌ ଦେଖାଇ ରାହୁଲ କହିଛନ୍ତି, '' ଆଲାଣ୍ଡ ହେଉଛି କର୍ଣ୍ଣାଟକର ଏକ ନିର୍ବାଚନମଣ୍ଡଳୀ । କେହି ଏଠାରେ ୬୦୧୮ ଭୋଟ୍ ଡିଲିଟ୍ କରିବାକୁ ଚେଷ୍ଟା କରିଥିଲେ । ୨୦୨୩ ନିର୍ବାଚନରେ ​​ଆଲାଣ୍ଡରେ ମୋଟ କେତେ ଭୋଟ୍ ଡିଲିଟ୍ କରାଯାଇଥିଲା ତାହା ଆମେ ଜାଣିନାହୁଁ । ୬୦୧୮ ଭୋଟ୍ ଡିଲିଟ୍ କରି ସଂଯୋଗବଶତଃ ଧରାପଡ଼ିଲା । କ'ଣ ଘଟିଲା ଯେ ସେଠାରେ ବୁଥ୍-ସ୍ତରୀୟ ଅଧିକାରୀ ତାଙ୍କ କାକାଙ୍କ ଭୋଟ୍ ଡିଲିଟ୍ କରିଦେଇଥିଲେ । ୬୦୧୮ ଆବେଦନ ଦାଖଲ ହୋଇଥିଲା । ଯେଉଁମାନେ ଏହି ଆବେଦନ ଦାଖଲ କରିଥିଲେ ସେମାନେ ପ୍ରକୃତରେ କେବେ ଫାଇଲ କରିନଥିଲେ । ଫାଇଲିଂ ସ୍ୱୟଂଚାଳିତ ଭାବରେ ସଫ୍ଟୱେର୍ ବ୍ୟବହାର କରି କରାଯାଇଥିଲା । କର୍ଣ୍ଣାଟକ ବାହାରର, ବିଭିନ୍ନ ରାଜ୍ୟର ମୋବାଇଲ୍ ନମ୍ବରଗୁଡ଼ିକୁ ଆଲାଣ୍ଡରେ ଭୋଟ୍‌ ନମ୍ବର ଡିଲିଟ୍ କରିବା ପାଇଁ ବ୍ୟବହାର କରାଯାଇଥିଲା । ଏହା କଂଗ୍ରେସ ଭୋଟରମାନଙ୍କୁ ଟାର୍ଗେଟ କରି କରାଯାଇଥିଲା । "