ଫିଲ୍ମଚରିତ୍ର ଯାହା ଥାଉନା କାହିଁ ନିଜର ଦକ୍ଷ ବଳରେ ସେ ପ୍ରତିଟି ଫିଲ୍ମକୁ ସୁପରହିଟ କରିବାକୁ ଆପ୍ରାଣ ଚେଷ୍ଟା କରିଥାନ୍ତି । କେତେବେଳେ ଗାଉଁଲି ଚରିତ୍ର ତ ଆଉ କେତେବେଳେ ମଡର୍ଣ୍ଣ । ସବୁଥିରେ ସେ ସହଜରେ ଦର୍ଶକଙ୍କ ମନ କିଣିନେଇଥାନ୍ତି । ଦୁଇବର୍ଷ ପୂର୍ବରୁ ଅକ୍ଟୋବର ମାସରେ ରିଲିଜ ହୋଇଥିବା ଫିଲ୍ମ ‘ଅନ୍ଧାଧୁନ’ ଅଭିନେତ୍ରୀ ରାଧିକା ଆପ୍ତେଙ୍କ ଲାଗି ସବୁବେଳେ ଖାସ ରହିବ ବୋଲି ସେ କହିଛନ୍ତି । କାରଣ ଏହି ଫିଲ୍ମଟି ତାଙ୍କ ଜୀବନରେ କିଛି ସ୍ୱତନ୍ତ୍ର କରିଥିଲା । ଯେପରିକି ଏହି ଫିଲ୍ମରେ ପ୍ରତ୍ୟେକ କଳାକାରଙ୍କ ବିଚାରଧାରା ତାଙ୍କ ଲାଗି ଅଧିକ ଗୁରୁତ୍ୱପୂର୍ଣ୍ଣ ଥିଲା । ତେଣୁ ରାଧିକା କୁହନ୍ତି ଅନ୍ଧାଧୁନ ତାଙ୍କ ହୃହୟର ଅତି ନିକଟତର । ଏହି ଫିଲ୍ମ କଳାକାର ଟିମ ତାଙ୍କୁ ଅଧିକ ଭଲ କାମ କରିବା ଲାଗି ପ୍ରୋତ୍ସାହନ ଯୋଗାଇପାରିଥିଲା । ଫିଲ୍ମର ନିଦେ୍ର୍ଧଶକ ଶ୍ରୀରାମ ରାଘବନ ଓ ଅଭିନେତା ଆୟୁଷ୍ମାନ ଖୁରାନାଙ୍କ ପରି ସହକର୍ମୀ ସହ କାମ କରିବା ଅର୍ଥ କିଛି ସ୍ୱତନ୍ତ୍ର ଅନୁଭବ କରିବା । ଫିଲ୍ମଟିକୁ ମଧ୍ୟ ଗତବର୍ଷ ସର୍ବଶ୍ରେଷ୍ଠ ଫିଲ୍ମ ପୁରସ୍କାର ଦିଆଯାଇଥିଲା । ଆୟୂଷ୍ମାନଙ୍କ ଚମକ୍ରାର ଅଭିନୟ ଲାଗି ସର୍ବଶ୍ରେଷ୍ଠ ଅଭିନେତା ସମ୍ମାନ ହାତେଇଥିଲେ । ଆଗାମୀ ଦିନରେ ଅଭିନେତ୍ରୀ ରାଧିକା ଆପ୍ତେ ଏ କଲ ଟୁ ସ୍ପାଇରେ ନଜର ଆସିବେ । ଏଥିରେ ସେ ନୁର ଇନାୟତ ଖାନ ଚରିତ୍ର ନିଭାଇବେ ।
Comments ସମସ୍ତ ମତାମତ