Tags : priyanka

ନୂଆଦିଲ୍ଲୀ : ଲୋକସଭାରେ ଫେଲ୍ ହୋଇଛି ମହିଳା ସଂରକ୍ଷଣ ବିଲ୍ । ମୋଟ୍ ୫୩୨ଭୋଟ ମଧ୍ୟରୁ ୨୯୮ ଭୋଟ ସପକ୍ଷରେ ଏବଂ ୨୩୦ ଭୋଟ ବିପକ୍ଷରେ ପଡ଼ିଥିଲା।କିନ୍ତୁ ଆବଶ୍ୟକୀୟ ବହୁମତ ଅଭାବରୁ ବିଲ୍ଫେଲ୍ ମାରିଛି । ତେବେ ଏହି ବିଲ୍ କାଟ୍ ଖାଇବା ପରେ ପ୍ରଥମ ପ୍ରତିକ୍ରିୟା ରଖିଛନ୍ତି କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧି । ସେ କହିଛନ୍ତି କି, ଦଳ ମହିଳା ସଂରକ୍ଷଣକୁ ବିରୋଧ କରେ ନାହିଁ, କିନ୍ତୁ ପୁରୁଣା ଜନଗଣନା ଏବଂ ସୀମା ପୁନଃନିର୍ଦ୍ଧାରଣ ସହିତ ଏହାକୁ କାର୍ୟ୍ୟକାରୀ କରିବା ଗ୍ରହଣୀୟ ନୁହେଁ । ବିଶେଷକରି ଯେତେବେଳେ ଏହା ଓବିସି ବର୍ଗକୁ ବାଦ ଦିଆଯାଉଛି । ସେ ଏହାକୁ ଗଣତନ୍ତ୍ର ଏବଂ ଦେଶର ଏକତା ପାଇଁ "ବିଜୟ" ବୋଲି କହି କହିଛନ୍ତି ।

ପ୍ରିୟଙ୍କା ଗାନ୍ଧୀ ସୋସିଆଲ ମିଡିଆରେ ଟ୍ୱିଟ୍କରି କହିଛନ୍ତି, "ସଂସଦ ଏବଂ ରାଜ୍ୟ ବିଧାନସଭାରେ ମହିଳା ସଂରକ୍ଷଣ ଏହି ଦେଶର ମହିଳାଙ୍କ ଅଧିକାର, ଯାହାକୁ ହାସଲ କରିବାରେ କେହି ସେମାନଙ୍କୁ ବାଧା ଦେଇପାରିବେ ନାହିଁ। ଗୋଟିଏ ଦିନ, ଏହା ବାସ୍ତବତାରେ ପରିଣତ ହେବ। କିନ୍ତୁ, ଏହାକୁ ୨୦୧୧ ଜନଗଣନା ଏବଂ ଏହା ଉପରେ ଆଧାରିତ ସୀମା ନିର୍ଦ୍ଧାରଣ ପ୍ରକ୍ରିୟା ସହିତ ମନ୍ଦ ଭାବରେ ଯୋଡ଼ା ଯାଇଛି । ଯେଉଁ କାରଣରୁ ଏହାକୁ ବିରୋଧ କରାଯାଇଛି ।