Tags : prasanta koshore

ପାଟନା: ବିହାର, ଗୁଜରାଟ ଏବଂ ମଧ୍ୟପ୍ରଦେଶର ଗୋଟିଏ ଲେଖାଏଁ ଆସନର ହୋଇଥିବା ଉପନର୍ବାଚନରେ ଫଳାଫଳ ଆଜି ପ୍ରକାଶ ପାଇବ । ଏ ନେଇ ଭୋଟ୍ ଗଣତି ଜାରି ରହିଛି । ଏଥିରେ ବିହାରର ବାଙ୍କୀପୁର, ବିଧାନସଭା ଉପନିର୍ବାଚନର ଭୋଟ୍ ଗଣତିରେ ଜନ୍ ସୁରଜ ପାର୍ଟିର ପ୍ରଶାନ୍ତ କିଶୋର ଆଗୁଆ ରହିଛନ୍ତି । ୬ ରାଉଣ୍ଡ ଭୋଟ୍ ଗଣତି ସୁଦ୍ଧା ପ୍ରଶାନ୍ତ ୩,୪୦୦ ଭୋଟରେ ଆଗରେ ଚାଲିଛନ୍ତି ପିକେ । ଦ୍ୱିତୀୟରେ ଅଛନ୍ତି ବିଜେପିର ନୀରଜ କୁମାର । ତୃତୀୟରେ ଆରଜେଡିର ରେଖା କୁମାରୀ ରହିଛନ୍ତି । ସେହିପରି ମଧ୍ୟପ୍ରଦେଶ ଦାତିଆ ନିର୍ବାଚନ ମଣ୍ଡଳୀରେ ଜୋରଦାର ଟକ୍କର ହୋଇଛି । ସେହିପରି ଗୁଜରାଟର ମଞ୍ଜଲପୁରରେ କଡା ପ୍ରତିନ୍ଦ୍ୱନ୍ଦିତା ହେଉଛି । ଏହି ୩ଟି ଆସନରେ ଭାତୀୟ ଜନତା ପାର୍ଟିର ପ୍ରତିଷ୍ଠା ବାଜିରେ ଲାଗିଛି । କାରଣ ଏହି ରାଜ୍ୟରେ ବିଜେପି କ୍ଷମତାରେ ରହିଛି । ଏଥିରେ ବାଙ୍ଗୀପୁର ସବୁଠାରୁ ଚର୍ଚ୍ଚିତ ନିର୍ବାଚନମଣ୍ଡଳୀ ଯେଉଁଠାରେ ପ୍ରଶାନ୍ତ କିଶୋର ଆଗୁଆ ଅଛନ୍ତି । ଜନସୁରଜ ପାର୍ଟିର ପ୍ରତିଷ୍ଠାତା ପ୍ରଶାନ୍ତି କିଶୋର ଦୃଢ ନେତୃତ୍ୱ ବଜାୟ ରଖିଛନ୍ତି । ଦଳୀୟ କର୍ମୀ ସେଲିବ୍ରେସନ୍ ଆରମ୍ଭ କରି ଦେଇଛନ୍ତି । ମଧ୍ୟପ୍ରଦେଶର ଦାତିଆ ଆସନରେ ବିଜେପି ଏବଂ କଂଗ୍ରେସ ମଧ୍ୟରେ କଡା ଟକ୍କର ଚାଲିଛି । ଗୁଜରାଟର ମାଞ୍ଜଲପୁର ଆସନରେ ବିଜେପିର ସତୀଶ ପଟେଲଙ୍କ ବିଜୟ ନିଶ୍ଚତ ବୋଲି ଚର୍ଚ୍ଚା ହେଉଛି ।

ବାଙ୍କୀପୁରରେ ଜନସୁରଜ ପାର୍ଟି ପ୍ରଶାନ୍ତ କିଶୋର ଏବଂ ବିଜେପି ପ୍ରାର୍ଥୀ ନୀରଜ ସିହ୍ନାଙ୍କ ମଧ୍ୟରେ କଡ଼ା ଟକ୍କର ହେଉଛି । ଏହା ସହିତ କଂଗ୍ରେସର ରେଖାଙ୍କ ସମେତ ମୋଟ୍ ୨୩ ଜଣ ଅନ୍ୟ ପ୍ରତିନ୍ଦ୍ବନ୍ଦୀ ମୈଦାନରେ ଅଛନ୍ତି । ସେହିପରି ଦାତିଆରେ ବିଜେପି ନେତା ଆଶୁତୋଷ ତିୱାରୀ ଏବଂ କଂଗ୍ରେସର ଘନଶ୍ୟାମ ସିଂହଙ୍କ ମଧ୍ୟରେ କଡ଼ା ଟକ୍କର ହୋଇଛି । ଆଜାଦ ସମାଜ ପାର୍ଟି ଦାମୋଦର ସିଂହ ଯାଦବଙ୍କୁ ପ୍ରାର୍ଥୀ କରିଛି । ଏହି ଆସନରେ ତ୍ରୀକୋଣୀୟ ଲଢେଇ ହୋଇଛି । ଏହାଛଡା ମୈଦାନରେ ୧୮ ପ୍ରାର୍ଥୀ ରହିଛନ୍ତି ।

କହି ରଖୁଛି କି, ବିହାର, ମଧ୍ୟପ୍ରଦେଶ ଏବଂ ଗୁଜରାଟର ତିନୋଟି ବିଧାନସଭା ଆସନ ପାଇଁ ଜୁଲାଇ ୩୦ ତାରିଖରେ ଅନୁଷ୍ଠିତ ଉପନିର୍ବାଚନ ପାଇଁ ଭୋଟ ଗଣତି ଚାଲିଛି । ପ୍ରାରମ୍ଭିକ ଟ୍ରେଣ୍ଡରେ ଜନ ସୂରଜ ପ୍ରତିଷ୍ଠାତା ପ୍ରଶାନ୍ତ କିଶୋର ବିହାରର ବାଙ୍କୀପୁରରେ ଆଗୁଆ ଅଛନ୍ତି । ମଧ୍ୟପ୍ରଦେଶର ଦାତିଆରେ କଂଗ୍ରେସ ପ୍ରାର୍ଥୀ ସାମାନ୍ୟ ଆଗରେ ଥିବା ବେଳେ ଗୁଜରାଟର ମଞ୍ଜଲପୁରରେ ବିଜେପି ପ୍ରାର୍ଥୀମାନେ ଆଗୁଆ ଅଛନ୍ତି । ବାଙ୍କୀପୁର ଆସନକୁ ବିଜେପି ସଭାପତି ନୀତିନ ନବୀନଙ୍କ ପାରମ୍ପରିକ ଆସନ ବୋଲି ବିବେଚନା କରାଯାଏ । ସେ ଏହି ଆସନରୁ ଲଗାତାର ୫ଟି ନିର୍ବାଚନରେ ବିଜୟୀ ହୋଇଛନ୍ତି । ରାଜ୍ୟସଭାକୁ ନିର୍ବାଚିତ ହେବା ପରେ ଏଠାରେ ଉପନିର୍ବାଚନ ହୋଇଥିଲା ।