Tags : pradeep panigrahy

ବ୍ରହ୍ମପୁର: ବ୍ରହ୍ମପୁର ଗେଟ୍‌ ବଜାର ଫ୍ଲାଏଓଭରର କାମକୁ ନେଇ ଏବେ ଉଠିଛି ବଡ଼ ପ୍ରଶ୍ନ । ଖୋଦ୍‌ ବ୍ରହ୍ମପୁରର ବିଜେପି ସାଂସଦ ପ୍ରଦୀପ ପାଣିଗ୍ରାହୀ ଫ୍ଲାଏଓଭରର ନିର୍ମାଣ କାମର ମାନ ଓ ସ୍ଥାୟିତ୍ୱକୁ ନେଇ ଚିନ୍ତା ପ୍ରକାଶ କରିଛନ୍ତି । ସାଂସଦଙ୍କ ଅଭିଯୋଗ ଅନୁସାରେ, ଫ୍ଲାଏଓଭର ନିର୍ମାଣରେ ନିମ୍ନମାନର ସାମଗ୍ରୀ ବ୍ୟବହାର ହେଉଥିବା ନେଇ ସନ୍ଦେହ ରହିଛି। ଏପରିକି କାମର ମାନ ଉପରେ ଅଧିକାରୀମାନେ ଆବଶ୍ୟକ ନଜର ଦେଉନଥିବା ନେଇ ମଧ୍ୟ ସାଂସଦ ବିରକ୍ତି ପ୍ରକାଶ କରିଛନ୍ତି ।
ଏହି ପ୍ରସଙ୍ଗକୁ ନେଇ ସାଂସଦ ପ୍ରଦୀପ ପାଣିଗ୍ରାହୀ ସିଧାସଳଖ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଫ୍ଲାଏଓଭର ନିର୍ମାଣ କାମର ଯାଞ୍ଚ ଓ ମାନ ଯାଞ୍ଚ କରିବାକୁ ଦାବି କରିଛନ୍ତି । ଆଉ ସାଂସଦଙ୍କ ଚିଠି ପରେ ଏହି ଅଭିଯୋଗକୁ ଗୁରୁତ୍ୱ ଦେଇଛି ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟ। ଗେଟ୍‌ ବଜାର ଫ୍ଲାଏଓଭର ନିର୍ମାଣ କାମର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି ।