Tags : PLANE CRASH

ନୂଆଦିଲ୍ଲୀ; ଆମେରିକାରେ ଏକ ଭୟଙ୍କର ବିମାନ ଦୁର୍ଘଟଣା ହୋଇଛି । ଯେଉଁଥିରେ ୧୨ ଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣା ଆମେରିକାର ମିସୌରୀରେ ବଟଲର ମେମୋରିଆଲ ଏୟାରପୋର୍ଟ ପାଖରେ ଘଟିଛି । ଭାରତୀୟ ସମୟରେ ସକାଳ ୧୧ଟା ୩୦ରେ ଏହି ଭୟଙ୍କର ବିମାନ ଦୁର୍ଘଟଣାରେ ୧୨ ଜଣଙ୍କ ଜୀବନ ନେଇଛି । ବିମାନି ସ୍କାଏଡାଇଭିଂ ପାଇଁ ଟେକଅପ୍ କରିଥିଲା । ଏହାର କିଛି ସମୟ ପରେ ଆକଶରୁ ଖସି ପଡି ପ୍ଲେନରେ ନିଆଁ ଲାଗି ଯାଇଥିଲା । ବିମାନଟି ଖଣ୍ଡ ଖଣ୍ଡ ହୋଇଯାଇଛି ।
ବିମାନଟି ଏକ ଘରୋଇ ବିମାନବନ୍ଦରରୁ ଉଡ଼ାଣ ଭରିଥିଲା-ଏହି ସ୍କାଏଡାଇଭିଂ ବିମାନରେ ୧୭ ଜଣ ଯାଇପାରିବେ । ଦୁର୍ଘଟଣା ଘଟିଥିବା ବିମାନବନ୍ଦର ନିକଟରେ ଏକ ଘରୋଇ ବିମାନବନ୍ଦର, ଯେଉଁଠାରୁ ପ୍ରାୟ ୩୦ଟି ବିମାନ ଉଡ଼େ । ଏହି ଅଞ୍ଚଳରେ ସ୍କାଏଡାଇଭିଂ କେବଳ ୮ ରୁ ୯ ମାସ ପାଇଁ ଉପଲବ୍ଧ । ମାର୍ଚ୍ଚ ଶେଷ କିମ୍ବା ଏପ୍ରିଲ ଆରମ୍ଭରେ ଆରମ୍ଭ ହୁଏ । ଅକ୍ଟୋବର କିମ୍ବା ନଭେମ୍ବର ପର୍ଯ୍ୟନ୍ତ ଚାଲିଥାଏ । ଉଡାଣ ଭରିବା କ୍ଷଣି ବାମ ପଟକୁ ବୁଲି ଯାଇଥିଲା । ପବନ ଜୋରରେ ହୋଇଥିଲା । ପାଇଲଟ ଅବତରଣ କରିବାକୁ ଚେଷ୍ଟା କରିଥିଲେ । ଫଳରେ ବିମାନଟି କଣ୍ଟ୍ରୋଲ ହରାଇଥିଲା । ଦ୍ରୁତ ଗତିରେ ତଳକୁ ଖସି ପଡି ଭୂମିରେ ପିଟିହୋଇ ନିଆଁ ଲାଗି ଯାଇଥିଲା ।ମିସୌରୀ ହାଇୱେ ପାଟ୍ରୋଲିଂ ଟିମ୍ ସାର୍ଜେଣ୍ଟ ଜଷ୍ଟିନ୍ ଇଉଇଙ୍ଗ୍ ଦୁର୍ଘଟଣା ନିଶ୍ଚିତ କରି କହିଛନ୍ତି ଯେ, ଏକ ପ୍ୟାସିଫିକ୍ ଏରୋସ୍ପେସ୍ P-750 ସ୍କାଏଡାଇଭିଂ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣା ସମ୍ପର୍କରେ ଜରୁରୀକାଳୀନ ସେବାଗୁଡ଼ିକୁ ତୁରନ୍ତ ସୂଚନା ଦିଆଯାଇଥିଲା । ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ, କିନ୍ତୁ ବହୁତ ବିଳମ୍ବ ହୋଇଯାଇଥିଲା। କୌଣସି ଯାତ୍ରୀଙ୍କୁ ରକ୍ଷା କରାଯାଇ ପାରି ନଥିଲା । ବିମାନଟି ସମ୍ପୂର୍ଣ୍ଣ ଜଳି ଯାଇଥିଲା । ବଟଲର୍ ପୁଲିସ ବିଭାଗ ଏବଂ ବେଟ୍ସ କାଉଣ୍ଟି ସେରିଫ୍ କାର୍ଯ୍ୟାଳୟର ଅଧିକାରୀମାନେ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ ।

ଦୁର୍ଘଟଣାର ତଦନ୍ତ କରିବ ସୁରକ୍ଷା ବୋର୍ଡ- କାନସାସ ସିଟିର ବଟଲରରୁ ୬୫ ମାଇଲ ଦକ୍ଷିଣରେ ଅବସ୍ଥିତ ବଟଲର ମେମୋରିଆଲ ବିମାନବନ୍ଦର ନିକଟରେ ବିମାନ ଦୁର୍ଘଟଣା ଘଟିଥିଲା । ଘଟଣାସ୍ଥଳରେ ରାସ୍ତାଟି ଯାତାୟାତ ପାଇଁ ବନ୍ଦ କରିଦିଆଯାଇଥିଲା । ଜାତୀୟ ପରିବହନ ସୁରକ୍ଷା ବୋର୍ଡ ଦୁର୍ଘଟଣାର ତଦନ୍ତ କରିବ। FAA ରେକର୍ଡ ଅନୁଯାୟୀ, ଦୁର୍ଘଟଣାଗ୍ରସ୍ତ ବିମାନଟି ଏକ ପ୍ୟାସିଫିକ୍ ଏରୋସ୍ପେସ୍ ୭୫୦XL ଥିଲା, ଯାହା ୨୦୧୦ ମସିହାରେ ନିର୍ମିତ ଏକକ ଇଞ୍ଜିନ୍ ଟର୍ବୋପ୍ରପ୍ ବିମାନ ଥିଲା। ଏହାକୁ ସ୍କାଏଡାଇଭିଂ, କାର୍ଗୋ ପାଇଁ ବ୍ୟବହୃତ କରାଯାଏ ।