Tags : plane crash

ନୂଆଦିଲ୍ଲୀ: ଆଜି ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୁପାଣୀଙ୍କୀ ହେବ ଶେଷକୃତ୍ୟ । ରାଜକୋଟରେ ରାଷ୍ଟ୍ରୀୟ ମର୍ୟ୍ୟାଦା ସହିତ ଶେଷକୃତ୍ୟ ସମ୍ପନ୍ନ ହେବ ବୋଲି ଗୁଜରାଟର ସ୍ୱାସ୍ଥ୍ୟମନ୍ତ୍ରୀ ଋଷିକେଶ ପଟେଲ ସୂଚନା ଦେଇଛନ୍ତି । ରୂପାଣିଙ୍କ ଅକସ୍ମିକ ବିୟୋଗ ପାଇଁ ଗୁଜରାଟ ସରକାର ସୋମବାର ଦିନିକିଆ ରାଜ୍ୟସ୍ତରୀୟ ଶୋକ ଦିବସ ଘୋଷଣା କରିଛନ୍ତି । ଆଜି ଅପରାହ୍ନରେ ୨ଟାରେ ରାଜକୋଟରେ ମୃତଦେହ ପହଞ୍ଚିବା ପରେ ଅପରାହ୍ନ ୫ଟାରେ ରାଷ୍ଟ୍ରୀୟ ମର୍ୟ୍ୟାଦା ସହିତ ଅନ୍ତିମ ସଂସ୍କାର କରାଯିବ । ଗତ ଗୁରୁବାର ଦିନ ଅହମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣାରେ ପ୍ରାଣ ହରାଇଥିଲେ ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣି । ଡିଏନଏ ନମୁନା ପରୀକ୍ଷା ମାଧ୍ୟମରେ ତାଙ୍କ ମୃତଦେହକୁ ଚିହ୍ନଟ କରାଯାଇଛି ।