Tags : piyush

ଭୁବନେଶ୍ବର: ସରୁନି ଯାତ୍ରା ବିବାଦ । ପୀୟୂଷଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ପୁଣିଥରେ ମଞ୍ଚରେ ଚଢ଼ିବେ ଏହି ଲୋକପ୍ରିୟ ଅଭିନେତା । ଯାତ୍ରା ମଞ୍ଚରେ ଅଭିନୟ କରିପାରିବେ ପୀୟୂଷ ତ୍ରିପାଠୀ । ଅନୁମତି ପ୍ରଦାନ କଲେ ଭୁବନେଶ୍ବର ସିଭିଲ୍ କୋର୍ଟ ଜଜ୍ । ଚୁକ୍ତି ଖିଲାପ ଅଭିଯୋଗରେ ପୀୟୂଷଙ୍କ ମଞ୍ଚ ଚଢ଼ିବା ଉପରେ ରୋକ ଲଗାଯାଇଥିଲା । ଏବେ ତାଙ୍କ ଉପରୁ କଟକଣା ହଟିଛି । ଆଗକୁ ଖଣ୍ଡଗିରି ଯାତ୍ରା ମହାସମର ଆସୁଥିବାବେଳେ ପୀୟୂଷଙ୍କ କ୍ରେଜ୍ ଦେଖିବାକୁ ମିଳିବ । ବର୍ତ୍ତମାନ ସିଂହବାହିନୀରେ ଅଭିନୟ କରୁଛନ୍ତି ପୀୟୂଷ ।
୬ମାସର ବ୍ୟବଧାନ ପରେ ଗତ ୬ ତାରିଖରେ ଯାତ୍ରା ସିଂହବାହିନୀ ପକ୍ଷରୁ ନାଟକ‘ତୁ ମୋ ବଜରଙ୍ଗୀ’ରେ ମଞ୍ଚ ଚଢିଥିଲେ ପୀୟୂଷ । କିନ୍ତୁ ଏହାପରେ ଯାତ୍ରା ସୂର୍ୟ୍ୟ ମନ୍ଦିରର ମାଲିକ କୋର୍ଟଙ୍କ ଦ୍ବାରସ୍ଥ ହୋଇଥିଲେ । ଅଭିଯୋଗ କରିଥିଲେ,ପୀୟୂଷଙ୍କ ସହ ଜୁନ୍ ୨୦୨୬ ପର୍ୟ୍ୟନ୍ତ ଚୁକ୍ତି ଥିବା ସତ୍ତ୍ୱେ ସେ ଅନ୍ୟ ଏକ ପାର୍ଟିରେ ଅଭିନୟ କରିଛନ୍ତି । ଏହାକୁ ଆଧାର କରି କୋର୍ଟ ପରବର୍ତ୍ତୀ ଶୁଣାଣି ପର୍ୟ୍ୟନ୍ତ ପୀୟୂଷଙ୍କୁ ଯାତ୍ରା ମଞ୍ଚରେ ଅଭିନୟ ନକରିବାକୁ ନିର୍ଦ୍ଦେଶ ଦେଇଥିଲେ ।ଆଜି ଶୁଣାଣି ପୀୟୂଷଙ୍କ ସପକ୍ଷରେ ଯାଇଥିବାବେଳେ ସେ ପୁଣିଥରେ ଅଭିନୟ ଜାରି ରଖିବେ ।