Mar 17, 2026
ମୁଖ୍ୟ ଖବର
କାଠମାଣ୍ଡୁ: ମଧ୍ୟପ୍ରାଚ୍ୟ ଯୁଦ୍ଧ ଯୋଗୁଁ ଭାରତର ପଡୋଶୀ ନେପାଳରେ ମଧ୍ୟ ତୈଳ ସଙ୍କଟ ଦେଖାଦେଇଛି। ଆନ୍ତର୍ଜାତିକ ମାର୍କେଟରେ ଅଣବିଶୋଧିତ ତୈଳର ମୂଲ୍ୟବୃଦ୍ଧି ଏବଂ ମଧ୍ୟପ୍ରାଚ୍ୟରୁ ଯୋଗାଣ ବ୍ୟବସ୍ଥା ବାଧାପ୍ରାପ୍ତ ହେଉଥିବାରୁ ନେପାଳରେ ପେଟ୍ରୋଲ, ଡିଜେଲ ଏବଂ ଏଲପିଜି ସିଲିଣ୍ଡର ମୂଲ୍ୟ ବୃଦ୍ଧି ପାଇଥିବା ଜଣାପଡିଛି।
ତଦନୁଯାୟୀ ନେପାଳରେ ପେଟ୍ରୋଲ ଲିଟର ପିଛା ୩୧ ଟଙ୍କା, ଡିଜେଲ ୫୪ ଟଙ୍କା ଏବଂ ଏଲପିଜି ସିଲିଣ୍ଡର ମୂଲ୍ୟ ୨୯୬ ଟଙ୍କା ବୃଦ୍ଧି କରାଯାଇଛି। ଫଳରେ ନେପାଳରେ ପେଟ୍ରୋଲ ଦର ବର୍ତ୍ତମାନ ଲିଟର ପିଛା ୧୮୮ ଟଙ୍କା, ଡିଜେଲ ୧୯୬ ଟଙ୍କା ଏବଂ ଏଲପିଜି ସିଲିଣ୍ଡର ୨୧୨୬ ଟଙ୍କାକୁ ବୃଦ୍ଧି ପାଇଛି। ଉପରୋକ୍ତ ମୂଲ୍ୟ ନେପାଳୀ ମୁଦ୍ରା (ଟଙ୍କା)ରେ ଧାର୍ୟ୍ୟ କରାଯାଇଛି। ମାର୍ଚ୍ଚ ୧୬ ମଧ୍ୟାହ୍ନ ୧୨ଟାରୁ ବର୍ଦ୍ଧିତ ମୂଲ୍ୟକୁ କାର୍ୟ୍ୟକାରୀ କରାଯାଇଥିବା ପ୍ରକାଶ। ସୂଚନାଯୋଗ୍ୟ ନେପାଳରେ କୌଣସି ବନ୍ଦର କିମ୍ବା ତୈଳ ବିଶୋଧନାଗାର ନଥିବାରୁ ଭାରତୀୟ କମ୍ପାନୀ ଇଣ୍ଡିଆନ ଅଏଲ କର୍ପୋରେସନ ତରଫରୁ ସେଠାକୁ ପେଟ୍ରୋଲ, ଡିଜେଲ ଓ ଏଲପିଜି ସିଲିଣ୍ଡର ଯୋଗାଣ କରାଯାଇଥାଏ।
Comments ସମସ୍ତ ମତାମତ