Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଖେଳ ଖବର

ମୁଖ୍ୟ ଖବର

    ରୋହିତ ବାହିନୀକୁ ଶୁଭେଚ୍ଛା ଜଣାଇଲେ ନବୀନ

    Share on :
    ajab-Image
    Date: Jun 30, 2024    Views: 3556

    ବାର୍ବାଡୋସ: ୱେଷ୍ଟଇଣ୍ଡିଜ୍‌ର ବାର୍ବାଡୋସ ଦ୍ୱୀପପୁଞ୍ଜ ଅନ୍ତର୍ଗତ ବ୍ରିଜ୍‌ଟାଉନର କେନିସଙ୍ଗଟନ ଓଭାଲରେ ଶନିବାର ଅନୁଷ୍ଠିତ ୨୦୨୪ ଟି-୨୦ ବିଶ୍ୱକପ୍‌ ଫାଇନାଲରେ ଦକ୍ଷିଣ ଆଫ୍ରିକାକୁ ୭ ରନ୍‌ରେ ପରାସ୍ତ କରି ଭାରତ ଚାମ୍ପିଅନ ହୋଇଛି। ଭାରତର ଏହି ଟାଇଟଲ ବିଜୟରେ ସମସ୍ତେ ଖୁସି ହୋଇଛନ୍ତି। ଏହି ବିଶ୍ୱକପ୍‌ର ଆୟୋଜକ, ପ୍ରାୟୋଜକ, ବିଜ୍ଞାପନଦାତା, ବିସିସିଆଇ ଓ ଆଇସିସିର କର୍ମକର୍ତ୍ତା, ସମର୍ଥକ, ପ୍ରଶଂସକ ଓ କ୍ରିକେଟ ଖେଳକୁ ଭଲ ପାଉଥିବା ସମସ୍ତ ବ୍ୟକ୍ତିବିଶେଷ ଖୁସି ହୋଇଛନ୍ତି। ଟି-୨୦ ବିଶ୍ୱକପ ବିଜୟ ପରେ ଟିମ୍ ଇଣ୍ଡିଆକୁ ବିଭିନ୍ନ ମହଲରୁ ଛୁଟୁଛି ଶୁଭେଛାର ସୁଅ । ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପରି ବିଭିନ୍ନ ନେତାମାନେ ସୋସିଆଲ ମିଡ଼ିଆ ମାଧ୍ୟମରେ ରୋହିତ ବାହିନୀକୁ ଶୁଭେଛା ଜଣାଇଛନ୍ତି ।
    ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହି ଅବସରରେ ଚାମ୍ପିଅନ ଭାରତୀୟ ଦଳକୁ ଶୁଭେଚ୍ଛା ଜଣାଇଛନ୍ତି। ‘କଡ଼ା ସଂଘର୍ଷପୂର୍ଣ୍ଣ ଫାଇନାଲରେ ଦକ୍ଷିଣ ଆଫ୍ରିକାକୁ ପରାସ୍ତ କରି ଟି-୨୦ ବିଶ୍ୱକପ୍‌ ଟ୍ରଫି ଜିତିଥିବା ଭାରତୀୟ ଦଳକୁ ଅଭିନନ୍ଦନ। ଭାରତୀୟ ଦଳ ଅଲ୍‌ରାଉଣ୍ଡ ପ୍ରଦର୍ଶନ କରି ଆଜି ସମଗ୍ର ଦେଶକୁ ଗର୍ବିତ କରିଛି। ସାବାସ୍‌ ଚାମ୍ପିଅନ।’

    Maximum 500 characters

    ଖେଳ ଖବର View all

    Find Us on Facebook