ଏକ ସୁସ୍ଥ ଶରୀର ପାଇଁ ଅନେକ ସୁସ୍ଥ ଅଭ୍ୟାସ ଗ୍ରହଣ କରିବାକୁ କୁହାଯାଏ। ଏହା ସହିତ ଅସ୍ୱାସ୍ଥ୍ୟକର ଅଭ୍ୟାସ ଛାଡିବା ମଧ୍ୟ ଆବଶ୍ୟକ। ଏହି ଅସ୍ୱାସ୍ଥ୍ୟକର ଅଭ୍ୟାସ ମଧ୍ୟରୁ ଗୋଟିଏ ହେଉଛି ନଖ କାମୁଡିବା। କିଛି ଲୋକ ସବୁବେଳେ ଦାନ୍ତରେ ନଖ କାମୁଡ଼ନ୍ତି। ଏହି ଅଭ୍ୟାସ ଯଦି ଦୀର୍ଘ ସମୟ ପର୍ୟ୍ୟନ୍ତ ରୁହେ, ତେବେ ଏହା ସ୍ୱାସ୍ଥ୍ୟକୁ ବହୁତ ଖରାପ କରିପାରେ। ଅନେକ ଲୋକଙ୍କର ପିଲାଦିନରୁ ଏହି ଅଭ୍ୟାସ ରହିଥାଏ, ଆଉ କିଛି ଲୋକ ଚାପ କିମ୍ବା ଚିନ୍ତା କାରଣରୁ ନଖ କାମୁଡ଼ିବା ଆରମ୍ଭ କରନ୍ତି। ଏହାକୁ ଛାଡିବା କଷ୍ଟକର ହୋଇଯାଏ ଏବଂ ଏହି କାରଣରୁ ଧୀରେ ଧୀରେ ସ୍ୱାସ୍ଥ୍ୟ ଖରାପ ହେବାକୁ ଲାଗେ। ତେବେ ଆସନ୍ତୁ ଜାଣିବା ନଖ କାମୁଡିବା ଦ୍ୱାରା ଆପଣଙ୍କ ସ୍ୱାସ୍ଥ୍ୟ ଉପରେ କିପରି ଖରାପ ପ୍ରଭାବ ପଡେ।
ଜୀବାଣୁ ସଂକ୍ରମଣ :
ଯଦି ଆପଣ ଦାନ୍ତରେ ନଖ କାମୁଡିଥାନ୍ତି, ତେବେ ନଖର ଚର୍ମରେ ଥିବା ଜୀବାଣୁ ପାଟି ଦେଇ ଶରୀରକୁ ପ୍ରବେଶ କରନ୍ତି ଏବଂ ପାରୋନିଚିଆ ନାମକ ଏକ ଜୀବାଣୁ ସଂକ୍ରମଣ ହୁଏ । ଏହି ସଂକ୍ରମଣ ଧୀରେ ଧୀରେ ଶରୀରରେ ବ୍ୟାପିଥାଏ ଏବଂ ଅନ୍ୟାନ୍ୟ ଅନେକ ସମସ୍ୟା ସୃଷ୍ଟି କରିଥାଏ। ଏହା ବ୍ୟତୀତ, ଯଦି ଏହି ସଂକ୍ରମଣକୁ ଠିକ୍ ସମୟରେ ଚିକିତ୍ସା କରା ନ ଯାଏ, ତେବେ ଜ୍ୱର ଏବଂ ଶରୀରରେ ଯନ୍ତ୍ରଣା ଭଳି ସମସ୍ୟା ହୋଇଥାଏ।
ନାଚୁରାଲ୍ ଗ୍ରୋଥ୍ ବନ୍ଦ ହେବା :
ବାରମ୍ବାର ନଖ ଚୋବାଇବା ଦ୍ୱାରା ନାଚୁରାଲ୍ ଗ୍ରୋଥ୍ ବନ୍ଦ ହେବାର ବିପଦ ଥାଏ। ଯଦି ଆପଣ ନଖକୁ ବାରମ୍ବାର କାମୁଡ଼ିବା ଜାରି ରଖନ୍ତି, ତେବେ ଏହାଦ୍ୱାରା ଗ୍ରୋଥ୍ କରାଉଥିବା ଟିସୁ ନଷ୍ଟ ହୋଇଯାଏ ଏବଂ ନଖ ବଢିବା ବନ୍ଦ ହୋଇଯାଏ।
ଅନ୍ତନଳୀ ସମସ୍ୟା :
ନଖ ଦେଇ ଯାଉଥିବା ମଇଳା ଆପଣଙ୍କ ଶରୀରକୁ ଯାଇ ହଜମ ପ୍ରକ୍ରିୟା ଏବଂ ମେଟାବୋଲିଜିମ୍ ଉପରେ ଖରାପ ପ୍ରଭାବ ପକାଇପାରେ । ଏହି କାରଣରୁ ବାନ୍ତି, ଝାଡ଼ା ଇତ୍ୟାଦି ସମସ୍ୟା ଦେଖାଯାଏ ଏବଂ ବେଳେବେଳେ ଅନ୍ତନଳୀ ସମସ୍ୟା ମଧ୍ୟ ହୋଇପାରେ।
Comments ସମସ୍ତ ମତାମତ