Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି ତଡ଼କା

ମୁଖ୍ୟ ଖବର

    ଦିବଙ୍ଗତ ପିତାଙ୍କୁ ନେଇ ନରସିଂହ ରାଜନୀତି କରୁଛନ୍ତି : ଦୀପାଳି

    Share on :
    ajab-Image
    Date: Mar 8, 2023    Views: 3426

    ଝାରସୁଗୁଡ଼ା: ନବକିଶୋର ଦାସଙ୍କ ଚରିତ୍ରକୁ ଆକ୍ଷେପ କରି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କ ବୟାନକୁ ନେଇ ପ୍ରତିକ୍ରିୟା ରଖିଛନ୍ତି ନବ ଦାସଙ୍କ ଝିଅ ଦୀପାଳି। ନରସିଂହଙ୍କ ବୟାନ ତାଙ୍କ ପରିବାରକୁ ଗଭୀର ଆଘାତ ଦେଇଛି । ନବ ଦାସଙ୍କ ମୃତ୍ୟୁକୁ ନେଇ କିଛି ତଥ୍ୟ ନରସିଂହଙ୍କ ପାଖରେ ଥିଲେ ପୋଲିସ କି କୋର୍ଟରେ ଦେବାକୁ କହିଛନ୍ତି ଦୀପାଳି ।

    ଗଣମାଧ୍ୟମରେ ବାପାଙ୍କ ଚରିତ୍ର ସଂହାର ନକରିବାକୁ ସେ କହିଛନ୍ତି । ନବକିଶୋର ଦାସଙ୍କ ଦେହାନ୍ତ ପରେ ତାଙ୍କ ବିରୋଧରେ ଏପରି ମନ୍ତ୍ୟବ୍ୟ ଶୋଭନୀୟ ନୁହେଁ ବୋଲି ଦୀପାଳି କହିଛନ୍ତି। ଦୀପାଳି କହିଛନ୍ତି, ନରସିଂହ ମିଶ୍ର ଜଣେ ବରିଷ୍ଠ ନେତା  । ବାପାଙ୍କ ସହ ମିଶି ଅନେକ କାର୍ୟ୍ୟ କରିଛନ୍ତି  । ବାପାଙ୍କର ଜଣେ ଭଲ ବନ୍ଧୁ  । କିନ୍ତୁ ତାଙ୍କ ଦିବଙ୍ଗତ ପିତାଙ୍କୁ ନେଇ ସେ ରାଜନୀତି କରୁଛନ୍ତି  । ଟିକା ଟିପ୍ପଣୀ ଦେଉଛନ୍ତି । ଯାହା ଅତ୍ୟନ୍ତ ଦୁର୍ଭାଗ୍ୟଜନକ  ।

    ଆମ ପରିବାର ଲୋକ ନରସିଂହ ମିଶ୍ରଙ୍କ ବୟାନରେ ମର୍ମାହତ ହୋଇଛନ୍ତି ବୋଲି କହିଛନ୍ତି ଝିଅ ଦୀପାଳି  । ଯଦି ସେମିତି କିଛି ପ୍ରମାଣ ଅଛି ତେବେ ନରସିଂହ ମିଶ୍ର କୋର୍ଟରେ କିମ୍ବା ପୋଲିସକୁ ଦିଅନ୍ତୁ ବୋଲି କହିଛନ୍ତି ଝିଅ ଦୀପାଳି  ।

    Maximum 500 characters

    ରାଜନୀତି ତଡ଼କା View all

    Find Us on Facebook