Jun 3, 2026
ମୁଖ୍ୟ ଖବର
ଫିରୋଜାବାଦ: ମା’କୁ ପ୍ରପୋଜ୍ କଲା, ଛୁଆକୁ ମାରିଦେଲା । ବିଚ୍ ରାସ୍ତାରେ କଚାଡ଼ି କଚାଡ଼ି ନେଲା ଜୀବନ । ସୈତାନ ପ୍ରେମିକର ୱାନ୍ ସାଇଡ୍ ପ୍ରେମର ଇଏ ଛାତିଥରା କାହାଣୀ । ଜଣେ ବିବାହିତ ମହିଳାଙ୍କୁ ଅଭିଯୁକ୍ତ ଯୁବକ ବାହା ହେବାକୁ ପ୍ରଥମେ କହିଥିଲା ।ମହିଳା ଜଣକ ବାହା ହେବାକୁ ମନା କରିବାରୁ ଏହି କାଣ୍ଡ ଘଟିଛି । ପିଲାଟିର ମା’ ଥାନାରେ ଅଭିଯୋଗ କରିବା ପରେ ଅଭିଯୁକ୍ତକୁ ପୋଲିସ ଏନକାଉଣ୍ଟର କରିଛି । ଆଉ ଏବେ ସବୁ ସତ ପଦାକୁ ଆସିଛି ।
ଉତ୍ତର ପ୍ରଦେଶର ଫିରୋଜାବାଦରେ ଏହି ଘଟଣା ଘଟିଛି । ମହିଳାଙ୍କ ଦେଢ଼ ବର୍ଷର ପୁଅକୁ ଅତି ନିର୍ମମ ଭାବେ ରାସ୍ତାରେ କଚାଡ଼ି କଚାଡି ଅଭିଯୁକ୍ତ ଜିତେନ୍ଦ୍ର ପାଠ ମାରିଦେଇଛି । ଅଭିଯୁକ୍ତ ଜିତେନ୍ଦ୍ର ରତି ନାମକ ଜଣେ ମହିଳାଙ୍କୁ ବିବାହ କରିବାକୁ ଚାହୁଁଥିଲେ ।
କିନ୍ତୁ ରତି ତାଙ୍କ ପ୍ରସ୍ତାବକୁ ବାରମ୍ବାର ପ୍ରତ୍ୟାଖ୍ୟାନ କରିଥିଲେ । କାରଣ ତାଙ୍କର ଗୋଟିଏ ଦେଢ଼ ବର୍ଷର ପୁଅ ଥିଲା । ପୋଲିସ ଜିତେନ୍ଦ୍ରକୁ ଗିରଫ କରି ପଚରାଉଚରା ବେଳେ ସେ ଏସବୁ ସ୍ବୀକାର କରିଛି । ସେ ଆଉ ଆହୁରି କହିଛି ଦେଢ଼ ବର୍ଷର ପୁଅ ଆରବ ତାଙ୍କ ବିବାହରେ ବାଧକ ହେବାରୁ ସେ ଏହି କାଣ୍ଡ ଘଟାଇଛି ।
ଅଭିଯୁକ୍ତ ଜିତେନ୍ଦ୍ର ଶନିବାର କୁନି ପୁଅ ଆରବକୁ ଚକୋଲେଟ୍ କିଣିଦେବା ବାହାନାରେ ସାଙ୍ଗରେ ନେଇଯାଇଥିଲା । ତା’ପରେ ସେ ଶିଶୁଟିକୁ ନିର୍ମମ ଭାବେ ରାସ୍ତାରେ କଚାଡ଼ି କଚାଡ଼ି ହତ୍ୟା କରିଛି । ପରିବାର ଲୋକେ ଘଟଣା ବିଷୟରେ ଜାଣିବା ପରେ ଆରବକୁ ତୁରନ୍ତ ହସ୍ପିଟାଲ ନେଇଥିଲେ, କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Comments ସମସ୍ତ ମତାମତ