Tags : monmohan samal

ଭୁବନେଶ୍ୱର: ବିଜେପି ରାଜ୍ୟ ସଭାପତି ଶ୍ରୀ ସାମଲଙ୍କୁ ଦଳ ରାଜ୍ୟସଭା ପ୍ରାର୍ଥୀ କରିଛି। ୬୬ବର୍ଷୀୟ ଶ୍ରୀ ସାମଲ ଆଇନ ଡିଗ୍ରୀ ହାସଲ କରିଥିବାବେଳେ ତାଙ୍କ ନାଁରେ ୪ଟି ଅପରାଧିକ ମାମଲା ବିଚରାଧୀନ ରହିଛି । କୁଜଙ୍ଗ, ଧାମନଗର, ଭଣ୍ଡାରୀପୋଖରୀ ଓ ବନ୍ତ ଥାନାରେ ବିଭିନ୍ନ ସମୟରେ ରୁଜୁ ହୋଇଛି, ଯେଉଁଥିରେ ମୁଖ୍ୟତଃ ଆନ୍ଦୋଳନ ଓ କୋଭିଡ ନିୟମ ଉଲ୍ଲଙ୍ଘନ ଭଳି ଅଭିଯୋଗ ରହିଛି । ତେବେ କୌଣସି ମାମଲାରେ ସେ ଦୋଷୀ ସାବ୍ୟସ୍ତ ହୋଇନାହାନ୍ତି।

ତାଙ୍କର ମୋଟ ସ୍ଥାବର ଓ ଅସ୍ଥାବର ସମ୍ପତ୍ତିର ପରିମାଣ ପ୍ରାୟ ୪.୭୫କୋଟି ଟଙ୍କା। ଏଥିରେ ପତ୍ନୀ ପ୍ରଣତି ସାମଲଙ୍କ ନାଁରେ ୨.୮୬କୋଟି ଟଙ୍କାର ଅସ୍ଥାବର ସମ୍ପତ୍ତି ରହିଛି । ଯେଉଁଥିରେ ୭ଟି ଅଶୋକ ଲେଲ୍ୟାଣ୍ଡ ଟ୍ରକ ଓ ଗୋଟିଏ ଇନୋଭା ଗାଡ଼ି ସାମିଲ ଅଛି। 

ଭଣ୍ଡାରୀପୋଖରୀ ଓ ଭଦ୍ରକ ଅଂଚଳରେ ଶ୍ରୀ ସାମଲଙ୍କ ନାଁରେ ମୋଟ ୧.୩୦କୋଟି ଟଙ୍କାର ସମ୍ପତ୍ତି ରହିଛି । ଭୁବନେଶ୍ୱରର ବରମୁଣ୍ଡାଠାରେ ତାଙ୍କର ଏକ ଡୁପ୍ଲେକ୍ସ ଘର ରହିଛି, ଯାହାର ବଜାର ମୂଲ୍ୟ ୧.୦୫କୋଟି ଟଙ୍କା ହେବ। ଶ୍ରୀ ସାମଲଙ୍କ ପତ୍ନୀଙ୍କ ନାଁରେ ଏବେ ୭୫.୧୦ଲକ୍ଷ ଟଙ୍କାର ଋଣ ମଧ୍ୟ ରହିଛି।