Mar 10, 2026
ମୁଖ୍ୟ ଖବର
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜଧାନୀ ଦିଲ୍ଲୀକୁ ୩୩, ୫୦୦ କୋଟି ଟଙ୍କାର ବିଭିନ୍ନ ବିକାଶମୂଳକ ପ୍ରକଳ୍ପ ଉପହାର ଦେବେ। ଏହି କାର୍ୟ୍ୟକ୍ରମରେ ଦିଲ୍ଲୀ ମେଟ୍ରୋର ସମ୍ପ୍ରସାରଣ ଠାରୁ ଆରମ୍ଭ କରି ସରକାରୀ କର୍ମଚାରୀଙ୍କ ପାଇଁ ଆଧୁନିକ ଆବାସିକ କମ୍ପ୍ଲେକ୍ସ ପର୍ୟ୍ୟନ୍ତ ଅନେକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରାଯିବ।ମେଟ୍ରୋ ସଂଯୋଗକୁ ସୁଦୃଢ଼ କରିବା ପାଇଁ ୧୮, ୩୦୦ କୋଟି ଟଙ୍କାର ପ୍ରକଳ୍ପ ଉପରେ ମୋହର ଲାଗିଛି। ଆଜିଠାରୁ ଦିଲ୍ଲୀବାସୀଙ୍କ ପାଇଁ ଦୁଇଟି ନୂତନ ମେଟ୍ରୋ କରିଡର କାର୍ୟ୍ୟକ୍ଷମ ହେବ। ଯାହା ଉତ୍ତର ଏବଂ ଉତ୍ତର-ପୂର୍ବ ଦିଲ୍ଲୀର ଲକ୍ଷ ଲକ୍ଷ ଲୋକଙ୍କୁ ସିଧାସଳଖ ଲାଭ ଦେବ।
ଏହି କରିଡର ଖୋଲିବା ଦ୍ଵାରା ବୁରାଡି, ଜଗତପୁର-ଭାଜିରାବାଦ, ଖଜୁରୀ ଖାସ୍, ଭଜନପୁରା, ଯମୁନା ବିହାର, ମଧୁବନ ଚୌକ ଏବଂ ଭାଲସ୍ୱା ଭଳି ଅଞ୍ଚଳକୁ ଯାତ୍ରା ସହଜ ହେବ। ପ୍ରଧାନମନ୍ତ୍ରୀ ଆଜି ମେଟ୍ରୋର ପର୍ୟ୍ୟାୟ ୫-ଏ ଅନ୍ତର୍ଗତ ତିନୋଟି ନୂତନ ପ୍ରସ୍ତାବିତ ୧୬.୧୦ କିଲୋମିଟର କରିଡରର ଶିଳାନ୍ୟାସ କରିବେ। ଏହି କରିଡର ନୋଏଡା, ଦକ୍ଷିଣ ଦିଲ୍ଲୀ ଏବଂ ଆଇଜିଆଇ ବିମାନବନ୍ଦର ମଧ୍ୟରେ ଦୂରତା ହ୍ରାସ କରିବ।
ଆବାସିକ କ୍ଷେତ୍ରରେ ଏକ ବଡ଼ ପଦକ୍ଷେପ ନେଇ, ପ୍ରଧାନମନ୍ତ୍ରୀ ଜିପିଆରଏ ପୁନଃବିକାଶ ଯୋଜନା ଅଧୀନରେ ୧୫, ୨୦୦ କୋଟି ଟଙ୍କାର ପ୍ରକଳ୍ପ ଉଦଘାଟନ କରିବେ। ସରୋଜିନୀ ନଗର, ନେତାଜୀ ନଗର, କସ୍ତୁରବା ନଗର ଏବଂ ଶ୍ରୀନିବାସପୁରୀରେ ସରକାରୀ କର୍ମଚାରୀଙ୍କ ପାଇଁ ଫ୍ଲାଟ ଏବଂ ଆଧୁନିକ ଅଫିସ ସ୍ଥାନ (୪.୮ ନିୟୁତ ବର୍ଗଫୁଟ) ଯୋଗାଇ ଦିଆଯିବ।
Comments ସମସ୍ତ ମତାମତ