ଭୁବନେଶ୍ୱର: ଏମବିବିଏସ/ବିଡିଏସ୍ ଓ ପାରାମେଡିକାଲ ଛାତ୍ରଛାତ୍ରୀଙ୍କ ଶ୍ରେଣୀଗୃହ ପାଠପଢ଼ା ଆରମ୍ଭ ହେବ । କୋଭିଡ ନିୟମାବଳୀର କଡ଼ାକଡ଼ି ପାଳନ କରାଯାଇ ପାଠପଢ଼ା ଆରମ୍ଭ କରିବାକୁ ଡିଏମଇଟିଙ୍କୁ ଚିଠି ଲେଖିଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ରାଜ କୁମାର ଶର୍ମା । ମାତ୍ର ନିର୍ଦ୍ଧିଷ୍ଟଭାବେ କେବେ ପାଠପଢ଼ା ଆରମ୍ଭ ହେବ ତାହା ସ୍ପଷ୍ଟ ହୋଇନାହିଁ ।
ଏମବିବିଏସ ଛାତ୍ରଛାତ୍ରୀଙ୍କ ଏବେ ଅନଲାଇନରେ ପାଠପଢ଼ା ଜାରି ରହିଛି । ମାତ୍ର ଶ୍ରେଣୀଗୃହରେ ପାଠପଢ଼ା ପାଇଁ ବିଭାଗ ପକ୍ଷରୁ କେତେକ ନିୟମାବଳୀ ଜାରି କରାଯାଇଛି । ଫେସ ମାସ୍କ ପିନ୍ଧିବା ସହିତ ନିୟମିତ ହାତ ଧୋଇବା, କ୍ଲାସରୁମ୍, ଲାଇବ୍ରେରି, ଲାବୋରେଟାରିରେ ସାମାଜିକ ଦୂରତା ବଜାୟ ରଖିବା, କ୍ୟାମ୍ପସ ପରିସରରେ ଛେପ ନ ପକାଇବା, କାଶ କିମ୍ବା ଛିଙ୍କିବା ସମୟରେ ମୁହଁକୁ ଘୋଡ଼ାଇ ରଖିବା ଓ ଜରୁରୀ ପରିସ୍ଥିତି ପାଇଁ ଆଇସୋଲେସନ୍ ଗୃହ ପ୍ରସ୍ତୁତ ରଖିବାକୁ କୁହାଯାଇଛି । ପାଠପଢ଼ା କେବେ ଆରମ୍ଭ ହେବା ସଂପର୍କରେ ଡିଏମଇଟି ଡା.ରମାରମଣ ମହାନ୍ତିଙ୍କୁ ଯୋଗାଯୋଗ କରାଯାଇଥିଲେ ହେଁ କୌଣସି ଉତ୍ତର ମିଳିନାହିଁ ।
Comments ସମସ୍ତ ମତାମତ