Tags : malkanagiri mla

ମାଲକାନଗିରି: ମାଲକାନଗିରି ବିଧାୟକ ଆଦିତ୍ୟ ମାଢ଼ି କରୋନାରେ ଆକ୍ରାନ୍ତ ହୋଇଛନ୍ତି । ରିପୋର୍ଟ ପଜିଟିଭ ଆସିବା ପରେ ତାଙ୍କୁ ଭୁବନେଶ୍ୱର ଏମସ ହସ୍ପିଟାଲରେ ଭର୍ତ୍ତି କରାଯାଇଛି । କିଛି ଦିନ ହେଲା ଶ୍ରୀ ମାଢ଼ିଙ୍କ ସ୍ୱାସ୍ଥ୍ୟ ଖରାପ ହୋଇଥିଲା । କରୋନା ଲକ୍ଷଣ ଦେଖାଦେବାରୁ ବିଧାୟକ ଶ୍ରୀ ମାଢ଼ି ଆଣ୍ଟିଜେନ ଟେଷ୍ଟ କରାଇଥିଲେ । ପରୀକ୍ଷା ପରେ ତାଙ୍କ ରିପୋର୍ଟ ନେଗେଟିଭ ଆସିଥିଲା । କିନ୍ତୁ ଆରଟିପିସିଆର ଟେଷ୍ଟ କରିବା ଲାଗି ତାଙ୍କ ନମୁନା ଭୁବନେଶ୍ୱରକୁ ପଠାଯାଇଥିଲା । ଯାହାର ରିପୋର୍ଟ ପଜିଟିଭ ଆସିଛି । ଏହା ପରେ ବିଧାୟକ ଶ୍ରୀ ମାଢ଼ିଙ୍କୁ ଜିଲ୍ଲା କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଭୁବନେଶ୍ୱର କିମସକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ଶଯ୍ୟା ଅଭାବରୁ ତାକୁ ଏମସକୁ ସ୍ଥାନାନ୍ତରିତ କରାଯାଇ ଭର୍ତ୍ତି କରାଯାଇଛି ।