Tags : kerosine

ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଯୁଦ୍ଧ ଯୋଗୁଁ ସମଗ୍ର ବିଶ୍ବରେ ଦେଖା ଦେଇଛି ତୈଳ ଓ ଗ୍ୟାସ  ସଂକଟ । ଭାରତ ମଧ୍ୟ ଏଥିରୁ ବାଦ୍ ପଡ଼ିନି। ଏପରି ସଂକଟର ମୁକାବିଲା ପାଇଁ କେନ୍ଦ୍ର ସରକାର ବଡ଼ ପଦକ୍ଷେପ ଉଠାଇଛନ୍ତି । ଏହି ପରିପ୍ରେକ୍ଷୀରେ ସରକାର ଏବେ ପେଟ୍ରୋଲିୟମ ସୁରକ୍ଷା ଏବଂ ଲାଇସେନ୍ସ ନିୟମକୁ କୋହଳ କରିଛନ୍ତି, ଯାହାଦ୍ୱାରା କିରାସିନ ଘରେ ଘରେ ସହଜରେ ପହଞ୍ଚିପାରିବ। କେନ୍ଦ୍ର ସରକାରଙ୍କ ଗେଜେଟ୍ ବିଜ୍ଞପ୍ତି ଅନୁସାରେ, ସାଧାରଣ ଲୋକେ ଯେପରି ଇନ୍ଧନ ଅଭାବର ସମ୍ମୁଖୀନ ନହୁଅନ୍ତି, ସେଥିପାଇଁ ୨୧ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ସାଧାରଣ ବଣ୍ଟନ ବ୍ୟବସ୍ଥା ଅନ୍ତର୍ଗତ କିରାସିନ ତେଲ ବିକ୍ରିକୁ ୬୦ ଦିନ ବଢ଼ାଇଛି ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରାଳୟ ।
ସେଥିମଧ୍ୟରେ ଦିଲ୍ଲୀ, ହରିୟାଣା, ଉତ୍ତରପ୍ରଦେଶ ଓ ଗୁଜରାଟ ରହିଛନ୍ତି। ଏହି ପରିବର୍ତ୍ତନ ଅନୁୟାୟୀ ରାଷ୍ଟ୍ରାୟତ୍ତ ତୈଳ ବିପଣନ କମ୍ପାନୀ ବା ଓଏମସି ଦ୍ୱାରା ପରିଚାଳିତ ବଛା ବଛା ପେଟ୍ରୋଲ ପମ୍ପଗୁଡ଼ିକୁ କିରାସିନ ମହଜୁଦ ରଖିବା ଓ ବିତରଣ ପାଇଁ ଅନୁମତି ଦିଆଯାଇଛି। ପ୍ରତ୍ୟେକ ଆଉଟଲେଟ୍ ସର୍ବାଧିକ ୫ହଜାର ଲିଟର କିରାସିନ ରଖିପାରିବେ। ଏହାହସ ପ୍ରତ୍ୟେକ ଜିଲ୍ଲାରେ ସର୍ବାଧିକ ୨ଟି ପେଟ୍ରୋଲ ପମ୍ପ୍ ଏଥିପାଇଁ ନାମିତ ହେବେ ।