ଜ୍ୟୋତିବସୁ । ୟାଙ୍କୁ ବାଦ ଦେଇ ଭାରତୀୟ ରାଜନୀତିର ଇତିହାସ ଲେଖା ଯାଇପାରିବ ନାହିଁ । ଭାରତୀୟ ବାମପନ୍ଥୀ ରାଜନୀତିର ସେ ହେଉଛନ୍ତି ଧ୍୍ରୁବ ତାରା । ୧୯୧୪ ଜୁଲାଇ ୮ରେ ଜନ୍ମଗ୍ରହଣ କରିଥିବା ଜ୍ୟୋତି ବସୁ ୨୦୧୦ ଜାନୁଆରୀ ୧୭ରେ ଇହଲୀଳା ସମ୍ବରଣ କରିଥିଲେ । ସିପିଆଇଏମର ସହ ପ୍ରତିଷ୍ଠାତା ଥିବା ଜ୍ୟୋତିବସୁ ଭାରତର ଜଣେ ଯଶସ୍ୱୀ ମୁଖ୍ୟମନ୍ତ୍ରୀ ହୋଇପାରିଥିଲେ । ୧୯୬୪ରୁ ୨୦୦୮ ପର୍ଯ୍ୟନ୍ତ ସେ ସିପିଏମ ପଲିଟିବୁ୍ୟରୋ ସଭ୍ୟ ଥିଲେ । ଜଣେ ଲୋକପ୍ରିୟ ଓ କ୍ରାନ୍ତିକାରୀ ମୁଖ୍ୟମନ୍ତ୍ରୀ ଭାବେ ସେ ଅନେକ ରେକଡର଼୍ ସୃଷ୍ଟି କରିଥିଲେ । ସେ ଥିଲେ ପଶ୍ଚିମବଙ୍ଗର ପ୍ରଥମ ଉପମୁଖ୍ୟମନ୍ତ୍ରୀ । ୧୯୭୭ ଜୁନ ୨୧ରୁ ୨୦୦୦ ନଭେମ୍ବର ୫ ପର୍ଯ୍ୟନ୍ତ ସେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ଥିଲେ । ଦେଶର କୌଣସି ବଡ଼ ରାଜ୍ୟରେ ଏତେ ଦିନ ଧରି ଲଗାତର କେହି ଶାସନ କ୍ଷମତାରେ ରହିନାହାନ୍ତି । ସେ ସ୍ୱଇଚ୍ଛାରେ କ୍ଷମତା ରାଜନୀତିରୁ ଓହରି ଆସିବା ସହ ଅନ୍ୟମାନଙ୍କ ପାଇଁ ବାଟ ପ୍ରଶସ୍ତ କରିଥିଲେ ।
୧୯୧୪ରେ ଜୁଲାଇ ୮ରେ ଜ୍ୟୋତିନ୍ଦ୍ର ବସୁ ଏକ ବଙ୍ଗାଳୀ କାୟାସ୍ତ ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ନିଶିକାନ୍ତ ବସୁ ପେଶାରେ ଜଣେ ଡାକ୍ତର ଥିଲେ । ତାଙ୍କର ଡାକନାମ ଥିଲା ଗନା । ତାଙ୍କର ବଡ଼ବାପା ନୀଳକଣ୍ଠ ବସୁ ହାଇକୋର୍ଟର ବିଚାରପତି ମଧ୍ୟ ରହିଥିଲେ । ଜ୍ୟୋତି ବସୁଙ୍କର ମୃତୁ୍ୟ ପରେ ତାଙ୍କର ପୈତୃକ ବାସଭବନକୁ ଏକ ଲାଇବ୍ରେରୀରେ ରୂପାନ୍ତରିତ କରାଯାଇଛି । ଜନତାଙ୍କ ହକ ପାଇଁ ସେ ନିଜର ଶେଷ ଜୀବନ ପର୍ଯ୍ୟନ୍ତ ଲଢେ଼ଇ କରି ଆସୁଥିଲେ ।
Comments ସମସ୍ତ ମତାମତ