May 11, 2025
ମୁଖ୍ୟ ଖବର
ନୂଆଦିଲ୍ଲୀ: ବିଦେଶ ଯାଇ ବୁଲାବୁଲି କରିବାକୁ ଅର୍ଥ ସମସ୍ୟା ପାଇଁ ପୂରଣ ହୋଇପାରୁନାହିଁ , ତେବେ ଏହି ସମସ୍ୟା ଆଉ ରହିବ ନାହିଁ | କାରଣ ଆଇଆରସିଟିସି ଏବେ ଦୁଇ ଦେଶ ବୁଲିବା ପାଇଁ ପକେଟକୁ ସୁହାଇଲାଭଳି ଏକ ଟୁର ପ୍ୟାକେଜ ଆଣିଛି | ଏଥିରେ ଆପଣ ସିଙ୍ଗାପୁର ଓ ମାଲେସିଆ ଭଳି ଦେଶ ବୁଲିବାକୁ ଯାଇପାରିବେ ଓ ପ୍ୟାକେଜ ମଧ୍ୟରେ ଆପଣଙ୍କ ଖାଇବା, ରହିବା, ବିମାନ ଭଡା ସବୁ ଅନ୍ତର୍ଭୁକ୍ତ ରହିଛି |
ଆଇଆରସିଟିସି ପ୍ୟାକେଜରେ ଯାତ୍ରୀମାନଙ୍କୁ ସିଙ୍ଗାପୁର ଏବଂ ମାଲେସିଆର ଟୁର୍ ପ୍ୟାକେଜ୍ ପ୍ରଦାନ କରାଯିବ | ନଭେମ୍ବର ୨୧, ୨୦୨୩ରୁ ନୂଆଦିଲ୍ଲୀରୁ ଏହି ଯାତ୍ରା ଆରମ୍ଭ ହେବ | ସିଙ୍ଗାପୁର ଏବଂ ମାଲେସିଆର ଟୁର୍ ପ୍ୟାକେଜ୍ ଗୁଡିକରେ, ଆଇଆରସିଟିସି ପର୍ଯ୍ୟଟକମାନଙ୍କୁ ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ସହିତ ୬ ରାତି ୭ ଦିନ ଯାତ୍ରା କରିବାର ସୁଯୋଗ ଦେଉଛି | ଯଦି ଆପଣ ଏକାକୀ ଏହି ଯାତ୍ରାକୁ ଯିବାକୁ ଚାହାଁନ୍ତି, ତେବେ ଆପଣଙ୍କର ଖର୍ଚ୍ଚ ୧୬୩୭୦୦ ଟଙ୍କା ହେବ |
ଯଦି ଦୁଇଜଣ ସିଙ୍ଗାପୁର ଏବଂ ମାଲେସିଆ ଯାତ୍ରା କରିବାକୁ ଯାଆନ୍ତି, ତେବେ ପ୍ରତ୍ୟେକ ବ୍ୟକ୍ତିଙ୍କ ମୂଲ୍ୟ ୧୩୪୯୫୦ ଟଙ୍କା ହେବ | ୨ ରୁ ୧୧ ବର୍ଷ ବୟସର ପିଲାମାନଙ୍କ ପାଇଁ ଭଡା ୧୦୩୧୦୦ ଟଙ୍କା ହେବ | ଯଦି ଆପଣ ବନ୍ଧୁ କିମ୍ବା ପରିବାର କିମ୍ବା ସାଥୀ ସହିତ ସିଙ୍ଗାପୁର ଏବଂ ମାଲେସିଆ ଭ୍ରମଣ କରିବାକୁ ଚାହୁଁଛନ୍ତି, ତେବେ ଆପଣ ଆଇଆରସିଟିସିର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ପ୍ୟାକେଜ୍ ବୁକ୍ କରିପାରିବେ |
Comments ସମସ୍ତ ମତାମତ