Apr 20, 2024
ମୁଖ୍ୟ ଖବର
ନୂଆଦିଲ୍ଲୀ : ଭାରତରେ ଜନସଂଖ୍ୟା ହୁ ହୁ ହୋଇ ବଢ଼ିବାରେ ଲାଗିଛି । କିଛି ମାସ ପରେ ଏହା ଚାଇନାକୁ ଟପିଯିବ ବୋଲି ଆକଳନ କରାଯାଇଛି । ରିପୋର୍ଟ ଅନୁସାରେ, ୭୮ଟି ଦେଶର ମୋଟ ଜନସଂଖ୍ୟା ଯେତିକି ଭାରତରେ ପ୍ରତିବର୍ଷ ସେତିକି ପିଲା ଜନ୍ମ ନେଉଛନ୍ତି । ୨୦୨୧-୨୨ରେ ଦେଶରେ ୨ କୋଟି ପିଲା ଜନ୍ମ ହୋଇଛନ୍ତି । ଅର୍ଥାତ ପ୍ରତିଦିନ ହାରାହାରି ୫୬ ହଜାର ପିଲା ଜନ୍ମ ହେଉଛନ୍ତି । ୨୦୨୦-୨୧ ତୁଳନାରେ ୨୦୨୧-୨୨ରେ ଅଧିକ ୧.୩୨ ଲକ୍ଷ ପିଲା ଜନ୍ମ ହୋଇଥିଲେ ।
ଅପରପକ୍ଷରେ ଚୀନରେ ଜନସଂଖ୍ୟା ହ୍ରାସ ପାଇଛି । ଚୀନର ତଥ୍ୟ ଅନୁଯାୟୀ, ଜନସଂଖ୍ୟା ୬୦ ଲକ୍ଷ କମିଯାଇଛି । ୨୦୨୨ ସୁଦ୍ଧା ଜନସଂଖ୍ୟା କମି ୧୪୧.୮ କୋଟି ହୋଇଛି । ୨୦୨୩ରେ ଭାରତ ଚାଇନାକୁ ଟପିବ ବୋଲି ଜାତିସଂଘ ପକ୍ଷରୁ ଆକଳନ କରାଯାଇଥିଲା । ତେବେ କେତେକ ରିପୋର୍ଟ ଅନୁସାରେ ଭାରତ ଚାଇନାକୁ ପଛରେ ପକାଇ ସାରିଲାଣି । ଚୀନରେ ଭାରତ ତୁଳନାରେ ଅଧା ପିଲା ଜନ୍ମ ହେଉଛନ୍ତି ।
Comments ସମସ୍ତ ମତାମତ