Tags : fire in train

ହାଇଦ୍ରାବାଦ:ଟାଟା-ଏର୍ଣ୍ଣାକୁଲମ ଏକ୍ସପ୍ରେସରେ ଭୟଙ୍କର ଅଗ୍ନିକାଣ୍ଡ ଘଟି ଜଣଙ୍କର ମୃତ୍ୟୁ ଘଟିଛି। ଗତକାଲି ବିଳମ୍ବିତ ରାତିରେ ଇଲାମାଞ୍ଚିଲି ଷ୍ଟେସନରେ ଏଭଳି ଅଘଟଣ ଘଟିଥିଲା। ଏକ୍ସପ୍ରେସ୍‌ଟି ବିଶାଖାପାଟଣାରୁ ଦୁଭାଦାକୁ ଯାଉଥିଲା। ଏକ୍ସପ୍ରେସ୍‌ ର ଦୁଇଟି ଏସି ବଗିରେ ନିଆଁ ଲାଗିଯିବାରୁ ଜଣେ ୭୦ ବର୍ଷୀୟ ବୃଦ୍ଧଙ୍କର ମୃତ୍ୟୁ ଘଟିଛି । ଅନେକ ଯାତ୍ରୀ ଖସିଯିବାରେ ସଫଳ ହୋଇଛନ୍ତି।

ପ୍ରାରମ୍ଭିକ ସୂଚନା ଅନୁଯାୟୀ, ଟାଟାନଗରରୁ ବିଶାଖାପାଟଣା ଜିଲ୍ଲା ଦେଇ ଏର୍ଣ୍ଣାକୁଲମ ଯାଉଥିବା ଟ୍ରେନ୍ ଟି ଡୁଭୱାଡା ଅତିକ୍ରମ କରିବା ପରେ ରାତି ପ୍ରାୟ ୧.୩୦ ସମୟରେ ନିଆଁ ଲାଗିଯାଇଥିଲା। ଦୁଇଟି ଏସି କୋଚରେ ନିଆଁ ଲାଗିଥିବା ଜଣାପଡ଼ିଛି। ରେଳବାଇ ପୁଲିସ୍‌ ଅଧିକାରୀଙ୍କ କହିବା ମୁତାବକ ଘଟଣାଟି ପ୍ରଥମେ ୟେଲାମାଞ୍ଚିଲି ନିକଟସ୍ଥ ଏକ ରେଳ ପଏଣ୍ଟ ନିକଟରେ ଲୋକୋ ପାଇଲଟମାନେ ଦେଖିଥିଲେ। ଯାହା ପରେ ଟ୍ରେନ୍‌କୁ ତୁରନ୍ତ ଷ୍ଟେସନ୍‌ରେ ଅଟକାଇ ଦିଆଯାଇଥିଲା। ତଥାପି, ଅଗ୍ନିଶମ ସେବା ପହଞ୍ଚିବା ପୂର୍ବରୁ, ନିଆଁ ଦ୍ରୁତ ଗତିରେ ବ୍ୟାପି ଯାଇଥିଲା। ଏବଂ ଦୁଇଟି ଏସି କୋଚ୍‌କୁ ସମ୍ପୂର୍ଣ୍ଣ ଭାବରେ ଗ୍ରାସ କରି ପୋଡ଼ି ଦେଇଥିଲା। କୋଚ୍‌ ରେ ଧୁଆଁ ଭର୍ତ୍ତି ହୋଇଯିବାରୁ ଯାତ୍ରୀମାନେ ଭୟଭୀତ ହୋଇ ପ୍ଲାଟଫର୍ମକୁ ବାହାରକୁ ଦୌଡ଼ି ପଳାଇଆସିଥିଲେ। ଅନେକ ଲୋକ କ’ଣ ଘଟୁଛି ତାହା ଜାଣିନଥିଲେ। ସେତେବେଳେ ଘନ ଧୂଆଁ ଯୋଗୁଁ ଦୃଶ୍ୟମାନତା କମ୍ ଥିଲା ଯାହା ଯାତ୍ରୀ ମାନଙ୍କୁ ବେଶି ଭୟଭୀତ କରିଥିବା ପ୍ରତ୍ୟକ୍ଷଦର୍ଶୀ କହିଛନ୍ତି।
ରେଳବାଇ ଅଧିକାରୀମାନେ କହିଛନ୍ତି ଯେ ଏକ୍ସପ୍ରେସ୍‌ ରେ ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। କିନ୍ତୁ ଏହି ଘଟଣାରେ ଜଣଙ୍କର ମୃତ୍ୟୁ ଘଟିଛି। ମୃତକ ବିଜୟଓ୍ବାଡାର ଚନ୍ଦ୍ରଶେଖର ସୁନ୍ଦର (୭୦) ବୋଲି ଜଣାପଡିଛି। ଖବର ପାଇ ଆନାକାପାଲି, ଏଲାମାଞ୍ଚିଲି ଏବଂ ନାକ୍କାପାଲିର ଅଗ୍ନିଶମ ଦଳ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। କିନ୍ତୁ ପ୍ରଭାବିତ ଦୁଇଟି କୋଚରେ ଥିବା ସମସ୍ତ ଯାତ୍ରୀଙ୍କ ସାମଗ୍ରୀ ସମ୍ପୂର୍ଣ୍ଣ ନଷ୍ଟ ହୋଇଯାଇଛି।