May 6, 2026
ମୁଖ୍ୟ ଖବର
ଗଞ୍ଜାମ: ମିନାବଜାରରେ ଅଘଟଣ, ଦୋଳିରେ ଲାଗିଲା ନିଆଁ। ଗଞ୍ଜାମ ଭଞ୍ଜନଗରରେ ଚାଲିଥିବା ମୀନା ବଜାରରେ ଅଘଟଣ। ଅଳ୍ପକେ ବର୍ତ୍ତିଲେ ଶହ ଶହ ଲୋକେ। ନିଆଁ ଲାଗିବା ପରେ ମୀନାବଜାର ପରିସରରେ ଆତଙ୍କ ଖେଳିଯାଇଛି।
ସୂଚନା ଅନୁସାରେ, ଭଞ୍ଜନଗରରେ ଗତ ୧୦ ଦିନ ହେବ ଚାଲିଛି ପ୍ରସିଦ୍ଧ ଠାକୁରାଣୀ ଯାତ୍ରା। ଯାତ୍ରା ଉପଲକ୍ଷେ ପଡ଼ିଥିବା ମୀନାବଜାରରେ ନିଇତି ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଜମୁଛି। ତେବେ ଗତକାଲି ଏକ ବଡ଼ ଦୋଳିରେ ହଠାତ୍ ସର୍ଟ ସର୍କିଟ୍ ହୋଇ ନିଆଁ ଲାଗିଯାଇଥିଲା।
ଦୋଳିରୁ ନିଆଁ ଓ ଧୂଆଁ ବାହାରୁଥିବା ଦେଖି ଲୋକେ ଭୟଭୀତ ହୋଇ ଏଣେତେଣେ ଦୌଡ଼ିବାକୁ ଲାଗିଥିଲେ। ଖବର ପାଇ ଭଞ୍ଜନଗର ଥାନା ଅଧିକାରୀ ଏବଂ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ। ଠିକ୍ ସମୟରେ ନିଆଁକୁ ଆୟତ କରାଯାଇଥିବାରୁ ଏକ ବଡ଼ ବିପଦ ଟଳିଯାଇଛି। ଏହି ଦୁର୍ଘଟଣାରେ କେହି ଆହତ ହୋଇନଥିବା ସୂଚନା ମିଳିଛି।
Comments ସମସ୍ତ ମତାମତ