ଖାଇବା ପରେ ପାନମଧୁରିକୁ ମୁଖବାସ ଭାବେ ଆମେ ବ୍ୟବହାର କରିଥାଉ । ବିଶେଷ କରି ନିରାମିଷ ଖାଦ୍ୟ ସେବନ ପରେ ପାନମଧୁରି ଆମେ ନିହାତି ଖାଇଥାନ୍ତୁ । ଆମ ରୋଷେଇ ଘରେ ପାନମଧୁରିକୁ ମସଲା ଭାବେ ବ୍ୟବହାର କରାଯାଇଥାଏ । ଏହାର ଖାଦ୍ୟର ସ୍ୱାଦ ବଢ଼ିବା ସହିତ ତ୍ୱଚା ଓ କେଶ ପାଇଁ ଲାଭଦାୟକ ହୋଇଥାଏ । ପାନମଧୁରିରେ ଆଣ୍ଟିଅକ୍ସିଡେଣ୍ଟ ଓ ଫାଇଟୋନୁ୍ୟଟ୍ରିୟସ ଭରପୁର ମାତ୍ରାରେ ମିଳେ । ଯାହା କେଶ ପାଇଁ ଭଲ । ଏହା କେଶ ଝଡିବା ସମସ୍ୟାରେ ସହାୟକ ହୋଇଥାଏ । ତେବେ କେଶ ସମସ୍ୟା ଦୂର କରିବା ପାଇଁ ପାନମଧୁରି ତେଲ ପ୍ରସ୍ତୁତ କରି ଏହାର ବ୍ୟବହାର କରିବା ଉଚିତ । ଏହି ତେଲ ପାଇଁ ଅଧା କପ ପାନମଧୁରି ଓ ନଡ଼ିଆ ତେଲ ନେବା । ଗୋଟିଏ ପାତ୍ରରେ ନଡ଼ିଆ ତେଲ ଦେଇ ସେଥିରେ ପାନମଧୁରି ପକାଇ ତାହାକୁ ଗରମ କରନ୍ତୁ । ତେଲ ଫୁଟିଲେ ଗ୍ୟାସ ବନ୍ଦ କରି ତେଲ ଥଣ୍ଡା ହେବା ପାଇଁ ଛାଡ଼ି ଦିଅନ୍ତୁ । ଏହାକୁ ଆପଣ ଫ୍ରିଜରେ ରଖି ବହୁ ଦିନ ଯାଏଁ ବ୍ୟବହାର କରିପାରିବେ । ତେବେ ଜାଣିବା ଏହି ପାନମଧୁରି ତେଲ କେଶକୁ ସୁନ୍ଦର କରିବାରେ କିପରି ସହାୟକ ହୋଇଥାଏ ।
- ସୁନ୍ଦର କେଶ ଓ ଏହାର ପ୍ରାକୃତିକ ଚମକ ପାଇଁ କେଶକୁ ପ୍ରୋଟିନର ଆବଶ୍ୟକତା ରହିଥାଏ । ତେବେ ଅଧିକ ପ୍ରୋଟିନ କେଶକୁ ଶୁଖିଲା କରିବା ସହିତ ଝଡ଼ି ଥାଏ । କିନ୍ତୁ ପାନମଧୁରି ତେଲରେ ଆଣ୍ଟିଅକ୍ସିଡେଣ୍ଟ ଓ ରୋଗାଣୁରୋଧି ଗୁଣ ରହିଛି । ଯାହା ଆପଣଙ୍କ କେଶକୁ ସୁସ୍ଥ ରଖେ ।
- ପାନମଧୁରିରେ ଏସିଡ, ଆଇରନ, କପର, ଫୋଲେଟ ଓ ନିୟାସିନ ରହିଛି । ଯାହା କେଶ ବଢ଼ିବାରେ ସହାୟକ ହୋଇଥାଏ । ପାନମଧୁରୀ ତେଲ କେଶର ବିକାଶ ପାଇଁ ବିଶେଷ ଭାବେ ସାହାଯ୍ୟ କରେ ।
- ପତଳା କେଶ ଅଧିକ ଝଡ଼ିଥାଏ । ମଜବୁତ ଓ ଘଞ୍ଚ କେଶ ପାଇଁ କେଶରେ ତେଲ ଲଗାଇବା ଆବଶ୍ୟକ । ପାନମଧୁରିରେ ଭିଟାମିନ ସି, କ୍ୟାଲସିୟମ, ଆଇରନ ଓ ମ୍ୟାଗ୍ନେସିୟମ ମିଳେ । ଯାହା କେଶକୁ ପୋଷଣ ଦିଏ । ଫଳରେ କେଶ ମଜବୁତ ହୁଏ ।
- କେଶକୁ ଲମ୍ବା, ଘଞ୍ଚ ଓ କଳା ରଖିବାକୁ ଚାହୁଁଥିଲେ ମୁଣ୍ଡକୁ ଦଫା ରଖିବା ଦରକାର । ଯଦି ଆପଣଙ୍କ ମୁଣ୍ଡ ଅପରିଷ୍କାର ରହିବ ତେବେ କେଶ ପ୍ରବଳ ଝଡ଼ିବ । ପାନମଧୁରି ତେଲ ମୁଣ୍ଡକୁ ସଫା କରିବାରେ ସହାୟକ ହୋଇଥାଏ ।
Comments ସମସ୍ତ ମତାମତ