Tags : encounter

କୁପୱାଡା: ଜମ୍ମୁ-କାଶ୍ମୀରରେ ଭାରତ-ପାକିସ୍ତାନ ନିୟନ୍ତ୍ରଣ ରେଖା (ଏଲଓସି) ନିକଟରେ ସେନାକୁ ମିଳିଛି ବଡ଼ ଧରଣର ସଫଳତା। କୁପଓ୍ବାଡାରେ ଶନିବାର ଭୋର ପ୍ରାୟ ୩ଟା ୩ ୦ ମିନିଟ୍‌ରେ କୈରନ୍ ସେକ୍ଟରର ଜୁମାଗୁଡ ଅଞ୍ଚଳରେ ଏହି ସଂଘର୍ଷ ହୋଇଥିଲା। ଏଥିରେ ଦୁଇ ଆତଙ୍କବାଦୀ ନିହତ ହୋଇଥିବାର ଖବର ମିଳିଛି। ବର୍ତ୍ତମାନ ସେଠାରେ ତଲାସୀ ଅଭିଯାନ ଜାରି ରହିଛି।ଅଧିକାରୀଙ୍କ କହିବା ଅନୁସାରେ, ଶନିବାର ଜମ୍ମୁ-କଶ୍ମୀରର କୁପଓ୍ବାଡା ଜିଲ୍ଲାରେ ଆତଙ୍କବାଦୀ ଓ ସୁରକ୍ଷାବଳ ମଧ୍ୟରେ ସଂଘର୍ଷ ହୋଇଥିଲା। ଏବେ ତାହା ସ୍ପଷ୍ଟ ହୋଇନି ଯେ, ଅନୁପ୍ରବେଶ ଚେଷ୍ଟା କରାଯାଇଥିଲା କି ନାହିଁ। ଅଧିକାରୀଙ୍କ କହିବା ଅନୁସାରେ, ଉତ୍ତର କାଶ୍ମୀରର କୈରନ୍ ସେକ୍ଟରର ଜୁମଗୁଡ୍ ଅଞ୍ଚଳରେ ଏଲଓସି ନିକଟରେ ସତର୍କ ଥିବା ଯବାନ ସନ୍ଦିଗ୍ଧ ଗତିବିଧକୁ ଦେଖିଥିଲେ। ଏହାପରେ ସେ ଆତଙ୍କବାଦୀଙ୍କୁ ଚ୍ୟାଲେଞ୍ଜ ଦେଇଥିଲେ ଓ ତାଙ୍କୁ ରୋକି ନେଇଥିଲେ।ଆଜିଠାରୁ ଠିକ୍ ମାସେ ପୂର୍ବେ ୧୭ ସେପ୍ଟେମ୍ବରରେ ଜମ୍ମୁ-କଶ୍ମୀରର ଉଧମପୁର ଜିଲ୍ଲାରୁ ଜଣେ ଅପରେସନ୍ ବେଳେ ଜୈଶ-ଇ-ମହମ୍ମଦର ଦୁଇ ପାକିସ୍ତାନୀ ଆତଙ୍କବାଦୀ ନିହତ ହୋଇଥିଲେ। ଜଣେ ସନ୍ଦିଗ୍ଧକୁ କଷ୍ଟଡିରେ ନିଆଯାଇଥିଲା। ଜମ୍ମୁ-କଶ୍ମୀର ପୋଲିସ ନିହତ ଦୁଇ ଆତଙ୍କବାଦୀଙ୍କୁ ଚିହ୍ନଟ କରିଥିଲା। ସେମାନେ ହେଲେ ସଦ୍ଦାମ ଓ ମୁସ୍ତାଫା। ପୋଲିସର କହିବା ଅନୁସାରେ, ତାଙ୍କ ପାଖକରୁ ଗୋଟିଏ ଏକେ ଆସଲ୍ଟ ରାଇଫଲ୍(୪ ମାଗାଜିନ୍ ସହିତ),ଗୋଟିଏ M4 କାର୍ବାଇନ୍(୩ ମାଜାଜିନ୍ ସହିତ), ଗୋଟିଏ ଗ୍ଲକ୍ ପିସ୍ତଲ(ଦୁଇ ମାଗାଜିନ୍ ସହିତ) ଏବଂ ଚାରୋଟି ଗ୍ରେନେଡ୍ ଜବତ କରାଯାଇଥିଲା।