Apr 27, 2026
ମୁଖ୍ୟ ଖବର
ନୂଆଦିଲ୍ଲୀ : ସୋମବାର ସକାଳୁ ସକାଳୁ ଥରିଛି ଜାପାନ । ଜାପାନର ହୋକାଇଡୋ ଦ୍ୱୀପରେ ଶକ୍ତିଶାଳୀ ଭୂକମ୍ପ । ଭୋର ସମୟରେ ୬.୨ ତୀବ୍ରତାର ଏକ ଭୂକମ୍ପ ଅନୁଭୂତ ହୋଇଛି । ଏହି ଭୂକମ୍ପ ଜାପାନ ସମୟ ସକାଳ ୫:୨୪ ରେ ପ୍ରାୟ ୮୩ କିଲୋମିଟର ଗଭୀରତାରେ ସଂଗଠିତ ହୋଇଥିଲା । ଏହାର କେନ୍ଦ୍ରସ୍ଥଳ ହୋକାଇଡୋର ଦକ୍ଷିଣ ଭାଗର ସାରାବେତ୍ସୁ ସହର ନିକଟରେ ଥିଲା । ଭୂକମ୍ପ ପରେ କୌଣସି ସୁନାମି ସତର୍କତା ଜାରି କରାଯାଇ ନାହିଁ । ବର୍ତ୍ତମାନ ସୁଦ୍ଧା କୌଣସି ବଡ଼ ଧରଣର କ୍ଷୟକ୍ଷତି କିମ୍ବା ମୃତାହତର ଖବର ମିଳିନାହିଁ ।
ସେପଟେ ବାରମ୍ବାର ଜାପାନରେ ଭୂକମ୍ପ ହେଉଥିବାବେଳେ ଏହାକୁ ନେଇ ବିଶେଷଜ୍ଞମାନେ କହିଛନ୍ତି ଯେ, ଜାପାନ ଏକ ଭୂକମ୍ପ ଦୃଷ୍ଟିରୁ ସମ୍ବେଦନଶୀଳ ଅଞ୍ଚଳରେ ଅବସ୍ଥିତ । ତେଣୁ ଏଠାରେ ସମୟ ସମୟରେ ଭୂମିକମ୍ପ ଘଟେ । ଗତ ସୋମବାର ଦିନ, ଉତ୍ତର ଜାପାନରେ 7.7 ତୀବ୍ରତାର ଏକ ଭୂମିକମ୍ପ ହୋଇଥିଲା। କିଛି ସମୟ ପାଇଁ ସୁନାମି ସତର୍କତା ଜାରି କରାଯାଇଥିଲା। ଉପକୂଳବର୍ତ୍ତୀ ଅଞ୍ଚଳଗୁଡ଼ିକୁ ଏକ ବଡ଼ ଭୂମିକମ୍ପ (ମେଗାକ୍ୱାକ୍)ର ସାମାନ୍ୟ ବୃଦ୍ଧି ବିପଦ ବିଷୟରେ ସତର୍କ କରାଯାଇଥିଲା।
କହି ରଖୁଛୁ କି, ନିକଟ ଅତୀତରେ ଜାପାନରେ କିଛି ଶକ୍ତିଶାଳୀ ଭୂକମ୍ପ ହୋଇଥିବାରୁ ପ୍ରଶାସନ ପକ୍ଷରୁ ସତର୍କତା ଅବଲମ୍ବନ କରାଯାଇଛି । ଏହି ଭୂମିକମ୍ପ ବହୁତ ଶକ୍ତିଶାଳୀ ଥିଲା, ଯାହା ଘରର ଜିନିଷପତ୍ରକୁ ବହୁତ ସମୟ ପାଇଁ ହଲାଇ ଦେଇଥିଲା । ଭୂମିକମ୍ପ ଭୟରେ ଲୋକମାନେ ଘରୁ ବାହାରକୁ ପଳାଇ ଆସିଥିଲେ। ଏହା ଏକ ଆଶ୍ୱସ୍ତିର କଥା ଯେ କୌଣସି ସୁନାମି ସତର୍କତା ଜାରି କରାଯାଇ ନାହିଁ, ଏବଂ କୌଣସି ଜୀବନ କିମ୍ବା ସମ୍ପତ୍ତି କ୍ଷତିର ରିପୋର୍ଟ ହୋଇନାହିଁ।
Comments ସମସ୍ତ ମତାମତ