Tags : DOCTOR

ଏଣିକି ଆଉ ଡାକ୍ତର କରିପାରିବେନି ରିଲ୍ସ। ରୋଗୀଙ୍କୁ ବ୍ୟବହାର କରି ନିଜର ପ୍ରଚାର ପ୍ରସାର କରିପାରିବେନି ଡାକ୍ତର। ନିଜକୁ ‘ନମ୍ବର ୱାନ୍’ କିମ୍ବା ‘ବେଷ୍ଟ ଡାକ୍ତର’ କହି ରୋଗୀଙ୍କୁ କରିପାରିବେନି ଆକର୍ଷିତ। ରୋଗୀଙ୍କୁ ଆକୃଷ୍ଟ କରିବାକୁ AIରେ ତିଆରି ପ୍ରମୋସନାଲ୍ କଣ୍ଟେଣ୍ଟ, ନକଲି ରିଭ୍ୟୁ କିମ୍ବା ମିଛ ସଫଳତାର ଦାବି କଲେ ହୋଇପାରେ ଆକ୍ସନ। ଡାକ୍ତର ମାନଙ୍କ ପାଇଁ ନୂଆ ଗାଇଡଲାଇନ୍ ଜାରି କରିଛି ନ୍ୟାସନାଲ୍ ମେଡିକାଲ୍ କମିଶନ୍ ବା NMC। 

ରୋଗୀଙ୍କ ଭରସା ସହ ଖେଳିବା ଏବଂ ଚିକିତ୍ସାକୁ ବ୍ୟବସାୟିକ ପ୍ରଚାରର ମାଧ୍ୟମ କରିବା ଉପରେ ଲାଗିଛି ଅଙ୍କୁଶ। ଡାକ୍ତରମାନେ ସୋସିଆଲ୍ ମିଡିଆରେ ରୋଗ ସମ୍ପର୍କରେ ସଚେତନତା, ସରକାରୀ ସ୍ୱାସ୍ଥ୍ୟ ଅଭିଯାନ, ଶିକ୍ଷାମୂଳକ ତଥ୍ୟ ଓ ଏକାଡେମିକ୍ ଆଲୋଚନା କରିପାରିବେ। କିନ୍ତୁ ଏହା ବ୍ୟକ୍ତିଗତ ପ୍ରଚାର କିମ୍ବା ରୋଗୀ ଆକୃଷ୍ଟ କରିବାର ମାଧ୍ୟମ ହୋଇପାରିବନି। ନିୟମ ଭାଙ୍ଗିଲେ ଜରିମାନା ସହ ରେଜିଷ୍ଟ୍ରେସନ୍ ମଧ୍ୟ ରଦ୍ଧ ହୋଇପାରେ।