Tags : dead

ଗାଜିଆବାଦ: ଦିଲ୍ଲୀ ଗାଜିଆବାଦରେ ଅଭାବନୀୟ ଘଟଣା ଘଟିଛି। ତିନି ଜଣ ନାବାଳିକା ଭଉଣୀ ୯ମ ମହଲାରୁ ଡେଇଁ ଆତ୍ମହତ୍ୟା କରିଛନ୍ତି। ଘଟଣାଟି ଗତକାଲି ବିଳମ୍ବିତ ରାତି ପ୍ରାୟ ୨ଟା ସମୟରେ ଘଟିଥିଲା। ମିଳିଥିବା ସୂଚନା ଅନୁଯାୟୀ ଭାରତ ସିଟି ବି-୧ ଟାୱାରର ୯୦୭ ନଂ ଫ୍ଲାଟରେ ରହୁଥିବା ତିନି ଭଉଣୀ ଏକ ମୋବାଇଲ୍ ଗେମ୍ ଆପ୍ ପ୍ରତି ଆଗ୍ରହୀ ଥିଲେ। ମଙ୍ଗଳବାର ରାତି ପ୍ରାୟ ୨ଟା ସମୟରେ ତିନି ଜଣ ମିଶି ୯ମ ମହଲାରୁ ଡେଇଁ ଆତ୍ମହତ୍ୟା କରିଛନ୍ତି। ବର୍ତ୍ତମାନ୍ ପର୍ୟ୍ୟନ୍ତ ଆତ୍ମହତ୍ୟାର କାରଣ ଜଣାପଡିନଥିବାବେଳେ ପୁଲିସ୍ ଘଟଣାରେ ଅଧିକ ତଦନ୍ତ ଜାରି ରଖିଛି।

ପୋଲିସର ସୂଚନା ଅନୁଯାୟୀ ମୃତକ ମାନେ ହେଲେ ନିଶିକା (୧୬), ପ୍ରାଚୀ (୧୪) ଏବଂ ପାଖି (୧୨)। କୁହାଯାଉଛି ଯେ ସେମାନେ ସମସ୍ତେ ଅନଲାଇନ୍ ଟାସ୍କ-ଭିତ୍ତିକ ଖେଳ କୋରିଆନ୍ ଲଭର ଖେଳୁଥିଲେ। ଅନ୍ୟପକ୍ଷରେ, ତିନି ଭଉଣୀଙ୍କ ଏକକାଳୀନ ମୃତ୍ୟୁ ପରେ ପରିବାର ମର୍ମାହତ ହୋଇଛନ୍ତି। ବର୍ତ୍ତମାନ ସମୟରେ ସୂଚନା ଆସୁଛି ଯେ ୩ ଭଉଣୀ କରୋନା ସମୟରେ ମୋବାଇଲ୍ ଫୋନ୍ ପ୍ରତି ନିଶାଗ୍ରସ୍ତ ହୋଇଯାଇଥିଲେ। ଏହାପରେ ତିନିଜଣ ଅନଲାଇନ୍ ଟାସ୍କ-ଭିତ୍ତିକ ଖେଳ କୋରିଆନ୍ ଲଭର ଖେଳୁଥିଲେ।