Tags : corona vaccine

ନୂଆଦିଲ୍ଲୀ: ଦେଶରେ ଭୟଙ୍କର ହେଉଛି କରୋନା ସ୍ଥିତି ।  ବଢୁଛି କରୋନାର କାୟା ।  ସ୍ଥିତି ହେଉଛି ବେକାବୁ । ଦେଶରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରୁଥିବାରୁ ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ତେବେ ଏହାରି ଭିତରେ ଏକ ଭଲ ଖବର ଆସିଛି  । ତାହା ହେଲା  ଋଷରୁ କରୋନା ଟିକା ଆସିବ ।  କରୋନା ଟିକା ‘ସ୍ଫୁଟନିକ-ଭି’ ଏବେ ଭାରତକୁ ଆସିବ ।  ପାଖାପାଖି ୧୦ କୋଟି କରୋନା ଟିକା ଆସିବ ।  ଭାରତକୁ ୧୦ କୋଟି  ‘ସ୍ଫୁଟନିକ-ଭି’ ଟିକା ଦେବାକୁ ଚୁକ୍ତି ହୋଇଛି ।  ଭାରତୀୟ ଫାର୍ମା କମ୍ପାନୀ ଡକ୍ଟର ରେଡ୍ଡୀକୁ ଏହି ଟିକା ମିଳିବ । ତେବେ  ବିଶେଷଜ୍ଞ କମିଟିର ଅନୁମତି ମିଳିଲା ପରେ ଏହି ଟିକା ମିଳିବ ବୋଲି ଜଣାଯାଇଛି ।